Qostanaıda jasóspirimderdiń ózine qol jumsaýy 10 paıyzǵa kóbeıgen

QOSTANAI. 8 qańtar. О́tken jyly Qostanaı óńirinde jasóspirimderdiń ózine qol jumsaý áreketi 10 paıyzǵa kóbeıgen. Bul týraly ng.kz habarlady. О́kinishke qaraı, jasóspirimder arasynda ózine qol salý árkeketi jyldan jylǵa artyp keledi. Bas prokýratýranyń quqyqtyq statıstıka jáne arnaıy esepke alý jónindegi komıteti oblystyq basqarmasynyń bastyǵy Evgenıı Parhomenkonyń málimetinshe, 2014 jyly oblys óńirinde jasóspirimderdiń 65 ózine qol jumsaý áreketi tirkelgen. Onyń 11-i sýısıdpen aıaqtalǵan, 54 adam óz ómirin qııýǵa árekettengen. Al 2013 jyly 59 sýısıd tirkelse, sonyń 15-i ólimmen aıaqtalsa, 44-i árekettengen. Evgenıı Parhomenko: «Balalardyń ózine qol jumsaýynyń basty sebebi – otbasyndaǵy urys-keris, óziniń jaqsy kóretin adamymen urysyp qalý, kúrdeli áleýmettik-psıhologııalyq jaǵdaı. Balanyń ózine qol jumsaýyna kóbinese otbasynyń materıaldyq jaǵdaıy emes, balalar men eresekter arasyndaǵy túsinistiktiń joqtyǵy áser etedi. 2013 jáne 2014 jyldary ózine qol jumsaýǵa áreket etken, sýısıdke barǵan negizinen 15-17 jastaǵy balalar. Bul ýaqytta jasóspirimderde negizinen psıhologııalyq turaqsyq minez, kóńil-kúı baıqalady», – dedi. О́tken jyly kóktemde Tehnıkalyq kolledjdiń 17 jasar stýdenti Qarabalyq aýdanyndaǵy Qosoba aýylyndaǵy saraıda asylyp qalǵan. Sebebi, oǵan ata-anasynyń meıirimi jetpegen kórinedi. Statıstıka kórsetkendeı, qyzdar ózine qol jumsaýǵa jıi barady, ásirese, uldar árekettense ony aıaǵyna deıin jetkizedi eken. E.Parhomenkonyń aıtýynsha, uldar tabıǵatynan oıyna alǵan áreketin aıaqtaýǵa, sózinde turýǵa umtylady. Názıra Járimbetova. Derek, sýret: ng.kz.