Kókshetaý kirpishteri Reseıge eksporttalyp jatyr

KО́KShETAÝ. 7 qańtar. Kókshetaýdaǵy «Enkı» keramıkalyq kirpish zaýyty 300-den astam adamdy jumyspen qamtyp otyr. Ol jylyna 30 túrli 58 mln. kirpish shyǵarýda. Bul týraly egemen.kz habarlady. О́ńirdiń ındýstrııalandyrý kartasyna engen kásiporyn 2010 jyly iske qosylǵan. Joba quny – 6 mlrd. 178 mln. teńge. Otandyq qurylys materıaly el aýmaǵyn qazir túgel qamtyp, endi Reseı naryǵyna jol tartty. «Buryn Ýkraınanyń kirpishi úlken básekeles bolatyn. Qazir bizdiń ónimniń sapasy odan artyq bolmasa kem emes. Baǵasy da tómen. Sondyqtan shetten keletin ónimdi naryqtan yǵystyryp shyǵaryp jatyrmyz. Kirpishterdi Reseıdiń Omby jáne Túmen qalalaryna jiberýdemiz. О́ndiris oshaǵy Ispanııanyń ozyq tehnologııasymen jabdyqtalǵan. Sondyqtan zaýyt ónimi sapaly ári aıazǵa tózimdi. Oǵan qosa ǵımarat ishiniń temperatýrasy qysy-jazy bir qalypta ustalady. Búginde zaýytta 300-den astam adam turaqty eńbek etýde. Negizi kásiporyn jylyna 60 mln. dana ónim óndirýge qaýqarly. Endigi maqsat – sol mejeni eńserý», – deıdi zaýyttyń bas ınjeneri Vadım Býrykın. Baqbergen Amalbek. Derek: egemen.kz. Sýret: 24.kz.