Qulsary qalasynda jigeri myqty bir jigit turady. Aty-jóni – Bereket Aqjigitov. Otbasyndaǵy perzenttiń úlkeni baldáýren balalyǵyn alańsyz ótkizdi. Sábı kezinde talaı armanǵa berilgen shyǵar. Mektepti bitirisimen joǵary oqý ornyna túsip, munaıshylyq kásipti meńgerdi. Sóıtip, joǵary bilim alǵan soń Mańǵystaý óńirindegi ken oryndaryn burǵylaý kompanııasyna jumysqa ornalasty. Tájirıbeli mamandardyń aqylyn tyńdady, úıretkenin jadyna túıdi. Basshylardyń tapsyrmasyn oryndaýda elgezektik tanytty.
Alaıda, tolǵaýy toqsan mynaý tirshilikte kez kelgen jan aldynda nendeı tosyn oqıǵa kútip turǵanyn boljaı alar ma edi? Bereket te ár aýysym saıyn jumysyna, odan keıin týǵan jeri – Qulsary qalasyna jetýge asyǵýshy edi. Kóńili kóterińki júretin jas jigit 2010 jyldyń 1 mamyrynda aıaq astynan óndiristik jaraqat alyp, aýrýhana tósegine tańyldy. Segiz kún boıy es-tússiz jatty. Biraq kórer jaryǵy bar eken, 9 mamyr kúni esin jıdy, óz-ózine keldi. Biraq, aýrýhanadan múgedektiń arbasymen shyqty.
Bul árıne, orda buzar otyzǵa tolmaǵan jas jigittiń janyn jaralaǵan óte aýyr kún edi. Taǵdyrdyń mańdaıǵa jazǵany bolar desek te, mundaıǵa ekiniń biri shydaı bermeıdi. Qurby-dostarynyń ortasynda jer basyp júre almaıtynyna nalyp, mújilip ketetinder de bolady mundaıda. Bereket te qınaldy, biraq syr bermeýge tyrysty. Buǵan sirá, onyń bala kezden mineziniń baısaldyǵy áser etken bolýy kerek. Músirkeı qaraǵandardy eleń qylmady. Tánine túsken aýyr jaraqat endi baısaldyqtan góri qıyndyqqa qarsy turyp, ómirge qushtarlyǵyn arttyra bastaǵan syńaıly. Sol minez aldymen dárigerler belgilegen jattyǵýlardyń birin qaldyrmaı oryndaýǵa bekindirdi. Sheteldik mamandar keńesin tyńdap, shıpa bolar emine de júgindi. Qytaıdyń astanasy –Beıjiń qalasyndaǵy ońaltý ortalyǵyna bardy. Sol ortalyqqa saparynyń birinde arbaǵa tańylǵan áıeldiń bısermen kartına órip otyrǵanyn kórdi.
Bir-biriniń tilin túsinbese de, taǵdyrdyń qıyndyǵyna tótep berýge umtylǵan jandar júrekpen de uǵyna alady ǵoı. Bısermen kartına órýge qyzyqqanyn túsinip, úıretýge tyrysqan qytaı áıeliniń ymdaýymen bir-eki órnekti ádemi túsirgen Bereket kezekti emin alýǵa dáriger bólmesine jónele berdi. Ol emnen soń óz bólmesine bettegen sátte ózin álgi áıeldiń qyzy kútip otyrǵanyn bilgen joq. Sol qyz Bereketke aq deste berip, bısermen kartına toqýdy úırete bastady. Qytaı qyzy qazaqsha sóıleı almasa da «Seniń qolyńnan bári keledi, ádemi kartına óresiń», degendi júregimen sezdirdi. Sodan beri Berekettiń qolynan kórgen jandy súısindiretin ádemi kartınalar týyndady.
– Bul meniń ómirim deýge bolady, – deıdi búginde birneshe kartınanyń avtory atanǵan Bereket Aqjigitov.
– Bısermen kartına toqýǵa qyzyǵýshylyǵym artty. Ásirese, tabıǵattyń tamasha kórinisteri qyzyqtyrady. Bálkim, bul bireýlerge erikkenniń ermegi sekildi kórinetin shyǵar. Biraq men úshin ómir súrýge talpynysymdy oıatqan ónerdiń, tipti kásiptiń biregeıi deýime ábden bolady.
Qazir Berekettiń qolynan bıser túspeıdi. Kúni boıy osy quralmen kartına toqyp otyrady. Keıde tipti, trenajermen jasaıtyn kúndelikti jattyǵýlaryn umytyp ketedi. Sóıtip, bir kúnniń 18-20 saǵaty tez ótip ketkenin baıqamaı qalady.
– Qytaıǵa dárigerlerge qaralý úshin jyl saıyn baryp turamyn. Sondaǵy klınıkada da bısermen kartına toqýdy tastaǵan emespin. Bir kúni meniń kartınalarymdy qytaılyqtar kórip, tańdanysyn bildirdi. Qytaı tilinde aıtqanyn túsinbegenimdi uǵynyp, oń qolynyń bas barmaǵyn joǵary kóterdi, – deıdi Bereket. – Bul meni, shynymdy aıtsam, odan ári shabyttandyrdy. Endi bul óner meniń jan serigime aınaldy.
Berekettiń ómirge qushtarlyǵyn oıatqan óneri bastapqyda óz otbasy men aǵaıyndary arasynda ǵana belgili bolsa, endi aýdan jurtshylyǵyna tanyla bastady. Ásirese, anasy Saranyń qýanyshynda shek joq. Ár ana balasynyń amandyǵyn tileıtini sekildi, Berekettiń aýyr jaraqat alǵany Saranyń da júregine batatyn edi. Endi onyń ómir súrýge talpynysyn týdyrǵan qolónermen shuǵyldanǵanyn kóńiline sál de bolsa medet tutady. Árıne, Sara apaı dál osylaı ashylyp syr aqtara qoıǵan joq. Alaıda, ony balasy úshin janyn shúberekke túıetin ananyń kózindegi muńnyń seıile bastaǵanynan ańǵarý qıyn emes-ti. Berekettiń bul óneri týraly estigen aýdandyq jumyspen qamtýdy úılestirý jáne áleýmettik baǵdarlamalar bóliminiń basshysy Serik Qamıdolla jas jigitpen kezdesý úshin úıine arnaıy kelipti. Ekeýara áńgimelese otyryp, Berekettiń qolóner týyndylarynyń kórmesin uıymdastyrýdy oıǵa aldy. Degenmen, kórmeni qaı kezde ótkizgen jón? Osy týraly oılanǵan aýdandyq ákimdik qyzmetkerleri ony áleýmettik qyzmetkerler merekesimen tuspa-tus ótkizý qajet dep taýypty.
Bereket Aqjigitovtiń Qulsaryda qolóner kórmesinde qoıylǵan onnan astam týyndysynyń ádemiligine tańdanbaý múmkin emes edi. О́ıtkeni, onyń bári jigittiń sheber qolymen órilgen. Ár kartınanyń ásemdigi kózdi arbaıdy. «Endi biz Berekettiń qolóner sheberhanasyn ashýdy kózdep otyrmyz. О́ıtkeni, bul óner múgedektiń arbasyna tańylǵan adamdardyń ómirge talpynysyn oıatatynyna tolyq senimdimin», deıdi Jylyoı aýdandyq jumyspen qamtýdy úılestirý jáne áleýmettik baǵdarlamalar bóliminiń basshysy Serik Qamıdolla.
Aıtqandaı, bısermen kartına toqıtyn Bereket Aqjigitovtiń ómirge qushtarlyǵy qaısarlyqqa ulasty. Qıyndyqqa qarsy tura bilgen jas jigittiń aıaǵyna qaıtadan jan bite bastady. Qazir oń aıaǵynyń tabany qytyqtaǵandy sezedi. Demek, bolashaqta óz aıaǵyna turyp, týǵan jerdiń topyraǵynda adymdaı júrer degen úmittiń oty jandy.
Iá, múmkindigi shekteýli bolsa da taǵdyrdyń qıyndyǵyna moıymaı, qasqaıyp qarsy turar qaısar jannyń ǵana úmiti úzilmeıdi eken. Dáıim, solaı bolǵaı...
Joldasbek ShО́PEǴUL,
«Egemen Qazaqstan».
Atyraý oblysy,
Jylyoı aýdany.
Alaıda, tolǵaýy toqsan mynaý tirshilikte kez kelgen jan aldynda nendeı tosyn oqıǵa kútip turǵanyn boljaı alar ma edi? Bereket te ár aýysym saıyn jumysyna, odan keıin týǵan jeri – Qulsary qalasyna jetýge asyǵýshy edi. Kóńili kóterińki júretin jas jigit 2010 jyldyń 1 mamyrynda aıaq astynan óndiristik jaraqat alyp, aýrýhana tósegine tańyldy. Segiz kún boıy es-tússiz jatty. Biraq kórer jaryǵy bar eken, 9 mamyr kúni esin jıdy, óz-ózine keldi. Biraq, aýrýhanadan múgedektiń arbasymen shyqty.
Bul árıne, orda buzar otyzǵa tolmaǵan jas jigittiń janyn jaralaǵan óte aýyr kún edi. Taǵdyrdyń mańdaıǵa jazǵany bolar desek te, mundaıǵa ekiniń biri shydaı bermeıdi. Qurby-dostarynyń ortasynda jer basyp júre almaıtynyna nalyp, mújilip ketetinder de bolady mundaıda. Bereket te qınaldy, biraq syr bermeýge tyrysty. Buǵan sirá, onyń bala kezden mineziniń baısaldyǵy áser etken bolýy kerek. Músirkeı qaraǵandardy eleń qylmady. Tánine túsken aýyr jaraqat endi baısaldyqtan góri qıyndyqqa qarsy turyp, ómirge qushtarlyǵyn arttyra bastaǵan syńaıly. Sol minez aldymen dárigerler belgilegen jattyǵýlardyń birin qaldyrmaı oryndaýǵa bekindirdi. Sheteldik mamandar keńesin tyńdap, shıpa bolar emine de júgindi. Qytaıdyń astanasy –Beıjiń qalasyndaǵy ońaltý ortalyǵyna bardy. Sol ortalyqqa saparynyń birinde arbaǵa tańylǵan áıeldiń bısermen kartına órip otyrǵanyn kórdi.
Bir-biriniń tilin túsinbese de, taǵdyrdyń qıyndyǵyna tótep berýge umtylǵan jandar júrekpen de uǵyna alady ǵoı. Bısermen kartına órýge qyzyqqanyn túsinip, úıretýge tyrysqan qytaı áıeliniń ymdaýymen bir-eki órnekti ádemi túsirgen Bereket kezekti emin alýǵa dáriger bólmesine jónele berdi. Ol emnen soń óz bólmesine bettegen sátte ózin álgi áıeldiń qyzy kútip otyrǵanyn bilgen joq. Sol qyz Bereketke aq deste berip, bısermen kartına toqýdy úırete bastady. Qytaı qyzy qazaqsha sóıleı almasa da «Seniń qolyńnan bári keledi, ádemi kartına óresiń», degendi júregimen sezdirdi. Sodan beri Berekettiń qolynan kórgen jandy súısindiretin ádemi kartınalar týyndady.
– Bul meniń ómirim deýge bolady, – deıdi búginde birneshe kartınanyń avtory atanǵan Bereket Aqjigitov.
– Bısermen kartına toqýǵa qyzyǵýshylyǵym artty. Ásirese, tabıǵattyń tamasha kórinisteri qyzyqtyrady. Bálkim, bul bireýlerge erikkenniń ermegi sekildi kórinetin shyǵar. Biraq men úshin ómir súrýge talpynysymdy oıatqan ónerdiń, tipti kásiptiń biregeıi deýime ábden bolady.
Qazir Berekettiń qolynan bıser túspeıdi. Kúni boıy osy quralmen kartına toqyp otyrady. Keıde tipti, trenajermen jasaıtyn kúndelikti jattyǵýlaryn umytyp ketedi. Sóıtip, bir kúnniń 18-20 saǵaty tez ótip ketkenin baıqamaı qalady.
– Qytaıǵa dárigerlerge qaralý úshin jyl saıyn baryp turamyn. Sondaǵy klınıkada da bısermen kartına toqýdy tastaǵan emespin. Bir kúni meniń kartınalarymdy qytaılyqtar kórip, tańdanysyn bildirdi. Qytaı tilinde aıtqanyn túsinbegenimdi uǵynyp, oń qolynyń bas barmaǵyn joǵary kóterdi, – deıdi Bereket. – Bul meni, shynymdy aıtsam, odan ári shabyttandyrdy. Endi bul óner meniń jan serigime aınaldy.
Berekettiń ómirge qushtarlyǵyn oıatqan óneri bastapqyda óz otbasy men aǵaıyndary arasynda ǵana belgili bolsa, endi aýdan jurtshylyǵyna tanyla bastady. Ásirese, anasy Saranyń qýanyshynda shek joq. Ár ana balasynyń amandyǵyn tileıtini sekildi, Berekettiń aýyr jaraqat alǵany Saranyń da júregine batatyn edi. Endi onyń ómir súrýge talpynysyn týdyrǵan qolónermen shuǵyldanǵanyn kóńiline sál de bolsa medet tutady. Árıne, Sara apaı dál osylaı ashylyp syr aqtara qoıǵan joq. Alaıda, ony balasy úshin janyn shúberekke túıetin ananyń kózindegi muńnyń seıile bastaǵanynan ańǵarý qıyn emes-ti. Berekettiń bul óneri týraly estigen aýdandyq jumyspen qamtýdy úılestirý jáne áleýmettik baǵdarlamalar bóliminiń basshysy Serik Qamıdolla jas jigitpen kezdesý úshin úıine arnaıy kelipti. Ekeýara áńgimelese otyryp, Berekettiń qolóner týyndylarynyń kórmesin uıymdastyrýdy oıǵa aldy. Degenmen, kórmeni qaı kezde ótkizgen jón? Osy týraly oılanǵan aýdandyq ákimdik qyzmetkerleri ony áleýmettik qyzmetkerler merekesimen tuspa-tus ótkizý qajet dep taýypty.
Bereket Aqjigitovtiń Qulsaryda qolóner kórmesinde qoıylǵan onnan astam týyndysynyń ádemiligine tańdanbaý múmkin emes edi. О́ıtkeni, onyń bári jigittiń sheber qolymen órilgen. Ár kartınanyń ásemdigi kózdi arbaıdy. «Endi biz Berekettiń qolóner sheberhanasyn ashýdy kózdep otyrmyz. О́ıtkeni, bul óner múgedektiń arbasyna tańylǵan adamdardyń ómirge talpynysyn oıatatynyna tolyq senimdimin», deıdi Jylyoı aýdandyq jumyspen qamtýdy úılestirý jáne áleýmettik baǵdarlamalar bóliminiń basshysy Serik Qamıdolla.
Aıtqandaı, bısermen kartına toqıtyn Bereket Aqjigitovtiń ómirge qushtarlyǵy qaısarlyqqa ulasty. Qıyndyqqa qarsy tura bilgen jas jigittiń aıaǵyna qaıtadan jan bite bastady. Qazir oń aıaǵynyń tabany qytyqtaǵandy sezedi. Demek, bolashaqta óz aıaǵyna turyp, týǵan jerdiń topyraǵynda adymdaı júrer degen úmittiń oty jandy.
Iá, múmkindigi shekteýli bolsa da taǵdyrdyń qıyndyǵyna moıymaı, qasqaıyp qarsy turar qaısar jannyń ǵana úmiti úzilmeıdi eken. Dáıim, solaı bolǵaı...
Joldasbek ShО́PEǴUL,
«Egemen Qazaqstan».
Atyraý oblysy,
Jylyoı aýdany.
