Respýblıka Qarýly Kúshterinde jańa oqý jylynyń bastalýyna oraı Qorǵanys mınıstriniń birinshi orynbasary – QR QK Bas shtabynyń bastyǵy, general-polkovnık Sáken Jasuzaqov «Shyǵys» óńirlik qolbasshylyǵynyń О́skemen, Semeı garnızondarynda boldy.
Ol munda jaýyngerlik ázirlik boıynsha sabaqtar ótkizýdi uıymdastyrýdy, qarý-jaraq pen áskerı tehnıkanyń jaı-kúıin, áskerı bólimderdiń oqý-materıaldyq bazasy men ınfraqurylymyn tekserdi. Sondaı-aq, áskerı qyzmetshilerdiń qyzmet jáne turmys jaǵdaılarymen tanysty.
«Ońtústik» óńirlik qolbasshylyǵynyń Lýgovoı jáne Taraz garnızondarynda bolǵan QK Bas shtab bastyǵy bólimderdi jaýyngerlik ázirliktiń joǵary deńgeıine keltirý barysyn tekserdi. S.Jasuzaqov, sondaı-aq, komandırlerdi jaýyngerlik ázirlikti arttyrý, jeke quramnyń moraldyq-psıhologııalyq jaǵdaıyn nyǵaıtý jáne áleýmettik-turmystyq salany jaqsartýǵa basa nazar aýdarýǵa shaqyrdy, dep habarlady Qorǵanys mınıstriniń baspasóz qyzmeti.
«Egemen-aqparat».
«Egemen-aqparat».
