Sport • 28 Sáýir, 2024

Parıj olımpıadasy: El qorjynyna 48 joldama tústi

213 ret
kórsetildi
1 mın
oqý úshin

Búgin Qazaqstan qorjyny eki olımpıada joldamasymen tolyqty, dep habarlaıdy Egemen.kz Ulttyq olımpıadalyq komıtetke silteme jasap.

Parıj olımpıadasy: El qorjynyna 48 joldama tústi

Foto: sportty damytý dıreksııasy

 

Buǵan deıin elimizdiń enshisinde Parıj olımpıadasyna qatysý múmkindigi beriletin 46 joldama bar edi. 

47 joldamany Birikken Arab Ámirlikteriniń Fýdjeıra qalasynda ótip jatqan sablıamen semserlesýden Áıkerim Sarybaı qorjynǵa saldy.

Ol fınalda gonkongtyq sportshyny 15:13 esebimen jeńdi. Nátıjesinde, ol 2024 jylǵy Olımpıada oıyndaryna irikteýden ótti.

Aıta keteıik, atalǵan synda tek jeńiske jetken sportshylar ǵana olımpıadalyq kvota ıegeri atanady. 

Buǵan deıin shpagamen semserlesýden Qazaqstan erler komandasy Parıj Olımpıadasyna joldama jeńip alǵan bolatyn.

 Al 48 lısenzııa stend atýdan buıyrdy.

Edýard Eshenko Dohada (Katar) ótken irikteý týrnırinde sátti óner kórsetti. Ol «skıt» baǵdarlamasy boıynsha irikteýden ótip, fınalǵa joldama aldy. 

Al sheshýshi raýndta úshinshi orynnan kórinip, Olımpıada oıyndaryna irikteýden ótti. 

Buǵan deıin «trap» baǵdarlamasy boıynsha Marııa Dmıtrıenko olımpıada joldamasyn ıelengen edi.