Elektrondy karta – qonystandyrýǵa qolaıly qujat

Turǵyndardy eńbek kúshi mol óńirlerden Shyǵys Qazaqstan oblysyna qonystandyrýdy kóz­deıtin elektrondy karta jóninde mınıstrdiń orynbasary egjeı-tegjeıli túsindirdi. Elektrondy kartada mamandar tapshylyǵy baıqalǵan eldi mekender týraly jan-jaqty málimetter berilgen. – Elektrondy kartada belgi­li eldi mekende «Jumyspen qam­­tý­dyń jol kartasy-2020» baǵ­dar­lamasy, aýdandyq bıýdjet, ju­mys berýshi jáne jeke qar­jy­sy esebinen qol jetkizýge bola­tyn bas­pana jaıy men bos ju­mys oryn­dary týraly máli­met­­pen qa­nyǵýǵa múmkindik ja­sal­­ǵan.

Son­daı-aq, onda jaram­dy jer, ba­labaqshalar men mektepterdegi bos oryndar, teh­­nı­­ka­lyq jáne kásiptik oqý múm­kin­digi de kórsetiledi. Odan ózge saıtty jasaýshylar eldi mekenniń fot­osýretterin de ornalastyrýdy kóz­dep otyr, – dedi oblystyq ju­mys­pen qamtý jáne áleýmettik baǵdarlamalardy úıles­tirý bas­qar­­masynyń jetek­shisi Aıjan Sadyqova.

Vıse-mınıstr atalǵan karta­nyń óte júıeli túrde jasalǵanyn aıtady. – Elektrondy karta kór­ne­­­ki­ligimen jáne paıdalanýǵa qolaı­lylyǵymen erekshelenedi. Bul tarapta jaqsy jumys júrgi­zildi. Endigi basty sharýa  –  jobany naqty júzege asyrýdy jedeldetý. Sonymen qatar saıttan basqa da kommýnıkasııalyq quraldar arqyly halyqty aqparattandyrý qajet. «Jumyspen qamtýdyń jol kartasy-2020» baǵdarla­masy sheńberinde qonys aýda­rýshylarǵa sýbsıdııa tólenedi.

Bul úrdis 2011 jyldyń ekinshi jartyjyldyǵynan bastap en­gi­zilgen. «Jumyspen qamtýdyń jol kartasy-2020» baǵdarlamasy jú­zege asyryla bastaǵan ýaqyttan beri 15 myń adam kóshti. Munyń bári adamdardy jumyspen qamtamasyz etý maqsatynda jasalyp jatyr, – dedi Densaýlyq saqtaý jáne áleýmettik damý mınıstriniń orynbasary.

Iаǵnı, Shyǵys Qazaqstan óńi­ri­ne qonys aýdarýǵa nıetti aza­mat­­­tar oblystyq jumyspen qam­tý jáne áleýmettik baǵ­dar­la­ma­lardy úılestirý basqar­ma­sy­nyń saıtyna kirip, baǵdar­lamaǵa qatysýshy kez kelgen eldi meken jóninde aqparat ala alady. N­e­mese jergilikti jumys­pen qam­­tý ortalyǵynan da barlyq aqp­a­rat­qa qol jetkizýge bolady. Tipti, elek­trondy karta jobasynda ke­­le­shektegi jumys berýshimen on­laın júıede tikeleı sóılesý múm­­kin­digi de qarastyrylyp jatyr.

Dýman ANASh,

«Egemen Qazaqstan»

О́SKEMEN.