Basty baǵytymyz – qazirgi zamanǵa saı jańashyldyqtarǵa talpyný

Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamenti Aqmola oblystyq sotynyń keńsesi oblys aýmaǵyndaǵy jergilikti sottardyń qyzmetin qamtamasyz etip, olardyń materıaldyq-tehnıkalyq, kadrlyq jáne uıymdastyrý máselelerine qatysty bar sharýany júzege asyrady. Iаǵnı, sot tóreligin atqarý tetiginde sot keńsesiniń alatyn orny erekshe jáne óte mańyzdy. Aqmola oblystyq sotynyń keńsesi byltyr departament bas­shylyǵynyń qoldaýymen jer­gilikti sottardyń jumysyn jetil­dirý jáne sapasyn arttyrý baǵytynda birqatar nátıjeli is-sharalar júrgizdi. Jumystyń shy­naıy aýqymdylyǵyn aıqyn­daıtyn sharalardyń biri – sot ǵımarattarynyń qurylysy jáne jóndeý jumystary. Qazirgi tań­da tek bizdiń oblysymyz­da ǵana emes, respýblıka boıynsha sot ǵımarattarynda qajet­ti alań­dardyń tapshylyǵy baı­qalýda. Osy máseleni sheshý úshin Departament bastamasymen sot ǵımarattaryna arnalǵan tıptik jobalyq-smetalyq qujattamalar ázirlenip, byltyr Eńbekshilder, Jar­qaıyń aýdandyq jáne Step­nogor qalalyq sot ǵımarat­tary qurylystarynyń jobalaryn jerge baılanystyrý jumys­taryna jalpy 8 mln. 71 myń 940 teńge bólindi. 2015-2016 jyl­dar­ǵa arnaıy zamanaýı ǵıma­rat qu­rylystaryn salý josparlanýda. Júrgizilgen jóndeý jumys­taryna toqtalar bolsaq, Aqmola oblystyq jáne Aqkól aýdandyq sottarynyń ǵımarattary kúrdeli jóndeýden ótti. Máselen, Aqkól aýdandyq sotynyń ǵımaraty tolyǵymen keshendi jóndeýden ótip, syrtqy jáne ishki kelbetimen birge aýlasynyń abattandyrý jumystary da júrgizildi. Turǵyn úı máselesi de nazardan tys qalǵan emes. Byltyr turǵyn úıge muqtaj jergilikti 9 sýdıaǵa qyzmettik páterlerdiń kiltteri tabystaldy. Sondaı-aq, ótken jyl basynan beri Joǵarǵy Sot depar­ta­menti tarapynan 8 jańa avto­kólik bólinip, qazirgi tańda osy kólikter aýdandyq jáne oǵan teńestirilgen sottardyń paıdalanýlaryna berildi. Osyǵan qosa, bıylǵy jyly kólemdi is-sharalardyń biri­ne – sot májilis zaldaryn sońǵy úlgidegi dybys-beınejazý júıelerin (DBJ) ornatý jumystaryn jatqyzýǵa bolady. Jalpy, DBJ basty maqsaty sot prosesteriniń ashyqtyǵyn kórsetý, halyqtyń sotqa degen senimin arttyrý já­ne sot tóre­liginiń barynsha qol­jetim­diligin qatysýshylarǵa jetkizý. О́ıtkeni, sot bıliginiń halyq úshin ashyq ári qoljetimdi bolýy – Elbasy men memleket tara­pynan qoıylyp otyrǵan basty talap. Sonymen qatar, sot jumy­synyń aýyrtpashylyǵyn azaıtyp, ıaǵnı hattamalar elek­­trondy pishimge ótip, qaǵazbas­tylyqtan arylýǵa birden-bir sebepshi bolýda. Júıeni ornatý jumystary ótken jyldyń qarasha aıynda bastalsa, jyldyń sońyna deıin oblystaǵy 26 sottyń barlyǵy dybys-beınejazý júıelerimen qamtamasyz etildi. Qazirgi tańda memlekettik turǵy­dan mańyzdy bolyp tabylatyn obektilerdiń qaýipsiz­digin kúsheıtý sharalary jan-jaqty qoldanylýda, bul rette Aqmola oblystyq soty da nazardan tys qalmady. «Memlekettik kúzetilýi tıis obektilerdiń keı­bir máseleleri týraly» Úkimet qaý­lysynyń talaptaryn oryndaý maqsatynda oblystyq sot ǵımaraty «Kirýdi baqylaý jáne basqarý júıesimen» qamtamasyz etildi. Bul júıeniń tehnıkalyq, aqparattyq, baǵdarlamalyq úı­le­simdiligi bar jáne adamdar men kóliktiń kirýine televı­zııa­lyq baqylaý jasaýǵa jáne qa­shyq­tyqtan basqarýǵa múmkindik beredi. Respýblıka sýdıalarynyń VI sezinde Elbasy ádil sot tóre­liginiń halyqtyń barlyq top­tary úshin qoljetimdi bolýyn qam­tamasyz etýdi, bul iste elektrondy resýrstardy keńinen paıdalanýdy tapsyrǵan bolatyn. Mine, búgingi kúni el azamattary men zańdy tulǵalary úshin sot júıesine qoljetimdilikti art­tyrý jáne ońtaılandyrý maq­satynda «Sot kabıneti» aqpa­rat­tyq júıesi iske qosylyp otyr. Azamattar aqparattyq ser­vıs­terdiń arqasynda óz úılerinen shyqpaı-aq, ǵalamtor arqyly sot qujattarymen tanysa alady. «Sot kabıneti» – sot organ­darynyń servısine elektrondy túr­de qoljetimdi birtutas tereze. Bul joba sot óndirisiniń qyz­metin jeńildetýge, sondaı-aq, azamattardyń ýaqyty men qar­jysyn, bıýdjet qarajatyn únem­deýge, sonymen qatar, sot jú­ıesiniń jedeldigin, azamattardyń sot aqparatyna qoljetimdiligi men ashyqtyǵyn qamtamasyz etýge baǵyttalǵan. Sottarmen aradaǵy qujat aınalymy máselesi birte-birte qaǵazdan elektrondyq pishimge aýystyrylyp, sýdıalar men sot qyz­metkerleri jańa zaman talaptaryna saı jumystaryn júzege asyrýda. Oblys sottary taraptardy sotqa uıaly telefonnyń abo­nenttik nómiri arqyly shuǵyl habarlaý men shaqyrtý servısin sátti qoldanyp keledi. Sot azamat nemese zańdy tulǵanyń sotqa shaqyrtylǵany týraly qysqa ǵana mátin habarlamasyn jiberedi. Bul servıs azamattar men zańdy tulǵalardyń qolaılylyǵy úshin paıdalanylady. Endi sotqa shaqyrtý týraly mátindik habarlamany qaǵazǵa shyǵaryp alýǵa da bolady, mysaly, qajet bolǵan jaǵdaıda jumys berýshige usyný úshin. Osy maqsatta Joǵarǵy Sottyń (www.sud.gov.kz) resmı saıtynda «Sot shaqyrtýy» – qysqa mátindik habarlamany qaraý men shyǵarý servısi júzege asyryldy. Ony qarap, sot shaqyrtýyn qaǵazǵa basyp shyǵaryp alý úshin SMS-habarlandyrý kelgen uıaly telefonnyń nómirin jáne habarlandyrý mátinindegi kod nómirin engizý qajet (habarlandyrý mátinine alty sannan turatyn kod qosylǵan). Osynyń nátıjesinde paıdalanýshynyń kompıýterine elektrondy sot shaqyrtýy júkte­l­ip, ony qalaýyńyzsha saqtaýǵa jáne shyǵaryp alýǵa bolady. Taǵy bir jańashyldyq – ót­ken jyldyń qazan aıynan bas­tap Joǵarǵy Sottyń janyn­daǵy sottardyń qyzmetin qam­ta­­masyz etý departamenti men «Qazposhta» AQ Aqmola ob­ly­synyń Ereımentaý jáne Qor­ǵaljyn aýdandyq sottarynda «Gıbrıdtik elektrondy poshta» qanatqaqty jobasy endirilgen bolatyn. Gıbrıdtik poshta – bul elektrondy quraldy paıdalaný arqyly alýshyǵa jetkiziletin qaǵaz poshta. Osy jaǵdaıda tapsyrys berý­shi poshta qyzmetkerine elekt­rondy qujattardy paı­da­lanýshyǵa elektrondy tasy­ǵyshta beriletin nemese paı­dalanýshynyń derbes kompıý­terine jiberiletin elektrondy habarlamany joldap, ol poshta mekemesinde qaǵaz túrinde shyǵarylyp, konvertterge salynyp alýshyǵa shuǵyl jet­kiziledi. Bul bir jaǵynan tapsyrys berýshiniń hat-habardy ji­berý shyǵynyn azaıtyp, kóp kólemdegi shottar men habarlama­lardy, al ekinshi jaǵynan, posh­ta qyz­metkerine qaǵaz hattardy jetkizý boıynsha qolaıly jáne sapaly qyzmet usynýǵa múm­kindik beredi. Sot júıesine zamanaýı tehnologııalardy engizý jáne qoldaný sot isin júrgizýdi ońaılatady, tóreshildik tosqaýyldardy joıady, sot júıesi qyzmetkerleriniń azamattarmen baılanysyn azaıtady, bul sybaılas jemqorlyqtyń oryn almaýyn qamtamasyz etip, azamattardyń ýaqytyn jáne qarajatyn únemdeıdi, halyqtyń sot júıesiniń jarııalylyǵy men qoljetimdiligine kóz jetkizýge múmkindik beredi. Danııar SARYMSAQOV, Aqmola oblystyq sotynyń keńse basshysy. KО́KShETAÝ.