Sýrette: tazartý jumystarynan kórinis.
«Móldir bulaq» aksııasy – óńirdiń sý resýrstaryna qamqorlyq. Almaty oblysynda 310 gıdrotehnıkalyq qurylys bar, onyń ishinde 72 sý qoımasy, 112 toǵan, 13 bóget pen damby, 14 aýyzsý toraby jáne 99 magıstraldy kanaldar. Dál osy sý joldary egis alqaptary men qalalarǵa nár berip, óńirdiń tynys-tirshiligin qamtamasyz etedi. Alǵashqy kúni oblystyń barlyq aýdandarynda marafondar, jarystar jáne fleshmob formatynda 50-den astam senbilik ótti. Aksııaǵa qatysýshylar Uzyn-Qarǵaly, Talǵar, Qarqara, Sharyn, Qaskeleń, Úlken Almaty syndy ózender arnasynyń jaǵalaýlaryn tazartty.
«Móldir bulaq» aksııasy týraly Prezıdentimizdiń Qazaqstan halqyna arnaǵan Joldaýynda estigennen keıin biz de bir kisideı qatysýdy jón kórdik. О́ıtkeni, úıimizge qonaq bop kelgen týys-týǵan, dos-jaran osy «Esik kóline baryp qaıtaıyqshy» dep ótinish jasap jatady. Sondyqtan bizdiń aýdanymyzda ornalasqan Esik kóli taza, ádemi bolyp jarqyrap turǵany biz úshin óte mańyzdy ǵoı. Sondyqtan osy aksııaǵa qatystym», deıdi Túrgen aýylynyń turǵyny Esendos Asýbaı.
«Taza Qazaqstan» aksııasy bastalǵaly Almaty oblysynda aýqymdy jumystar atqaryldy. Oblystyń 500 myńnan astam turǵyny aýmaqtar men aýlalardy tazalaýǵa, tarıh jáne mádenıet eskertkishterin abattandyrýǵa, aǵash kóshetterin otyrǵyzýǵa, kóshetterdi ákteýge qatysty. Ardagerler men qarttar úıiniń aýlalarynyń aýmaqtaryn retke keltirýge kómektesý úshin eko brıgadalar uıymdastyryldy.
«Móldir bulaq» aksııasyn osy kólden bastaǵandy jón kórdik. О́ıtkeni bul óte mańyzy zor kól. Ol bir jaǵynan aýyz sý, ekinshi jaǵynan bizdiń osy sýarmaly jerlerdi qamtamasyz etetin kól. Úshinshi jaǵynan biraz kaskadty GES-tarymyz bar. SKL Jeke kásipkerlerde bolǵan, byltyr sot arqyly muny memleket menshigine qaıtardyq. Endi kóldiń jaǵdaıyn kórip tursyzdar, biraz jerin qum basyp ketken. «Móldir bulaq» aptalyǵy aıasynda oblystaǵy ózender, kólder, kanaldar men sýarý stansalarynyń aınalasyn qoqystan tazartýdy josparlap otyrmyz», dedi óńir basshysy Marat Sultanǵazıev.
Almaty oblysy
