Kollajdy jasaǵan – Qonysbaı ShEJIMBAI, «EQ»
– Alla aýzyńa salǵanyn aıta bermeısiń be? – dedim men, – menen góri ózińdi-óziń jaqsy bilesiń ǵoı.
– Joq, naǵashy, aýzyma sóz túspeı abdyrap qalamyn, – dedi jıen.
Basqa sharýany jıyp qoıyp, jıenniń ótinishin oryndaýǵa kiristim. Shamasy belgili ǵoı. Naǵashylaryna tartpaı týǵan.
Tapsyrmasyn tap-tuınaqtaı oryndaǵan soń baıqaýdyń jaı-japsaryn suramaımyn ba, sóıtsem qatysatyn balalardyń bári sahnada aıtatyn sózderin bylaıǵy aǵaıynǵa jazdyryp alady eken. Bolashaq sultandardyń sybaǵasy ózgeniń ózegin jaryp shyqqan sózdi náshine keltirip aıtý ǵana.
– Shynymen solaı ma? – dep táptishteımin ǵoı.
– Álbette, naǵashy, – deıdi «bolashaq sultan».
Keıin oılaımyn, sultan degen aıbarly ataýdy aýzynan sózi, qoınynan bózi túsken osylarǵa qor qylǵansha, baıqaýdyń ataýyn jigitter saıysy deı salsaq qaıter edi. Qazaqy uǵymnyń uńǵysynda, jigittiń ózi kez kelgen bozókpege aıtyla bermeıtin sóz ǵoı. Ilkidegi qazaq áldekimniń sharýasyna tánti bolǵanda, «áı, shirkin, jigit-aq eken» dep rızashylyǵyn bildirip otyrmaýshy ma edi?
Kókshetaý
