Pavlodarda aǵashtar búrshik jardy

Ádette qaharyna minetin qańtar aıy bıyl Pavlodar oblysynda jaıma-shýaq aýa raıymen erekshelendi. О́ńirde apta boıy 0-den +1 gradýs aralyǵynda jyly temperatýra saqtalyp keldi. Al keshe Pavlodarda synap baǵanasy +3 gradýsqa deıin kóterildi. Osylaısha, kúnniń jylynýynan aǵashtar mezgilsiz búr jara bastaǵan. Sınoptıkterdiń aıtýynsha, bul ońtús­tikten jetken sıklonnyń áseri kórinedi. Osyǵan uqsas jaǵdaı Pavlodar oblysynda on jyl buryn tirkelgen eken. Mamandar muny ýaqytsha qubylys dep esepteıdi. О́ıtkeni, keshke qaraı aýa temperatýrasy -12 gradýsqa deıin tómendeıdi dep kútilýde. Bıologtar aǵashtardyń mezgilinen buryn búrshik jarýyna qýanýdyń qajeti joq ekenin aıtyp otyr. «Aǵashtyń saǵasynan bólinetin sýdyń kóptiginen ony qorshap turǵan balaýyzdar erip ketedi. Tamyryna ylǵal beretin topyraqty qazir qar basyp jatyr, sondyqtan ósimdik erip ketken balaýyz arqyly kóp ylǵal joǵaltady. Bul aǵashtarǵa qaýip tóndiredi», – deıdi mamandar. Aıdar О́RISBAEV, «Egemen Qazaqstan».