Ony úıretýdi bastaýysh synyptan bastasa, baǵy ashylady
Bir zamandary eskiliktiń belgisi dep elep-eskermegen ulttyq qolónerimiz qazir qaıta jandanyp, halyqtyń ıgiligine asyp, ózge jurttardyń qyzyǵýshylyǵyn týǵyzyp keledi. Men osy dástúrli ónerdi mektep tabaldyryǵynan, onyń ishinde bastaýysh synyptan bastap oqýshylarǵa úıretýdi kópten oılanyp júretin edim. Jalpy, bul isti qolǵa alǵandaǵy basty maqsatym, qorshaǵan dúnıedegi adam qolymen jasalǵan sheberlikti ul men qyzdyń boıyna sińirý, eńbekke baýlý nıetten týǵan edi. Tabıǵı materıaldardan jasaǵan buıymdar qaı zamanda da suranysqa ıe. Ol ekinshi jaǵynan oqýshyny tııanaqtylyqqa, eńbekqorlyqqa, ulttyq úlgige tárbıeleıdi. Munymen qatar, kishkentaı kezinen salt-dástúrimizdi, jaýhardaı qundylyqtarymyzdy kóz aldynan ótkizip qana qoımaı, qolymen jasasa, ol ul men qyzdyń oı tereńinde, júrek túkpirinde óshpeı júredi. Bul olardyń ultqa degen súıispenshiligin, meniń qazaǵymda da osyndaı jaqsy dúnıeler bar degen maqtanyshyn oıatady. Sonymen birge, bul izdenis kezinde oqýshy jasasam degen dúnıesine qajetti materıaldardy tańdaý, shyǵarmashylyq qabiletin shyńdap, keńistikke qaraı kórkemdikpen jasaýǵa, oǵan estetıkalyq talǵammen qaraýǵa, ár jumysyn jetildirip otyrýǵa daǵdylanady. Máselen, tabıǵı materıaldardan túrli buıymdardyń syzbasyn jasap, ony keıin qurastyrý isin sheberlikpen sheshedi. Mundaı jaýapty iste oqytýshy birinshiden, tehnıkalyq qaýipsizdikti, ekinshiden, gıgıenalyq talaptardy qatań saqtaýy tıis.
Men osyndaı jumysty Astana qalasyndaǵy Jambyl atyndaǵy №4 mektep-gımnazııasynda úıirme retinde bastaǵan edim. Alǵashynda on oqýshy ynta bildirse, qazir 150-ge jetti. Oqýshylardyń ulttyq qolónerge degen yntasy bólek. Sándi qoldanbaly qolónerdiń eń kóne jáne keń taraǵan túrlerinen toqyma toqý, oıý-órnekter oıý, túrli kıim úlgilerin tigý, onyń alǵashqy syzbalaryn qaǵazǵa túsirý jumystary qolǵa alynýda. Qazirdiń ózinde oqýshylar, onyń arasynda ul balalar da bar, shaǵyn kilemsheler, alashalar toqýdy meńgerdi. Oqýshylarǵa qajet tigin mashınalaryn, arnaıy qural-jabdyqtardy, ózge de qajetterdi Túrkııanyń yntymaqtastyq jáne úılestirý agenttigi berip, úlken qamqorlyq jasaýda. Al ultqa qajet iske qoldaý kórsetken mektep dırektory Bazarkúl Syzdyqova ekenin aıta ketýdi paryz sanaımyn.
«Ata óneri – balaǵa mura», «Ata kórgen oq jonar, sheshe kórgen ton pisher» dep halqymyzdyń búkil bolmysyn kórsetetin qoldanbaly salt úlgimizdi aınalysqa engizip, kúni erteń qazir keıbireýleri jádigerge aınalyp bara jatqanda, kıim úlgilerin kúndelikti qoldanysqa paıdalansaq, Qazaq eli osy bir qundylyǵymen de tórtkúl dúnıeni tamsandyrary anyq. Ony kóktemniń jasyl jelegindeı qaýlap ósip kele jatqan ul men qyz mektep qabyrǵasynda úırenip ósse, olar erteń qajetterine jaratyp qana qoımaıdy, urpaqtar sabaqtastyǵyna aınaldyrady. Básekelestik bel alǵan búgingideı almaǵaıyp zamanda ulttyq qolónerimizben de tanylyp, osy kúnderi tańsyq bolǵan ejelgi buıymdarymyzdy jas urpaqtyń qolymen jańǵyrtsaq jaqsy dúnıelerimiz, kádege tartar syılarymyz, kózdiń jaýyn alar zergerlik buıymdarymyz kóbeıe bereri sózsiz.
Lázzat ATYBAI,
Jambyl atyndaǵy №4 mektep-gımnazııanyń bastaýysh synyp muǵalimi, qolóner úıirmesiniń jetekshisi.
Men osyndaı jumysty Astana qalasyndaǵy Jambyl atyndaǵy №4 mektep-gımnazııasynda úıirme retinde bastaǵan edim. Alǵashynda on oqýshy ynta bildirse, qazir 150-ge jetti. Oqýshylardyń ulttyq qolónerge degen yntasy bólek. Sándi qoldanbaly qolónerdiń eń kóne jáne keń taraǵan túrlerinen toqyma toqý, oıý-órnekter oıý, túrli kıim úlgilerin tigý, onyń alǵashqy syzbalaryn qaǵazǵa túsirý jumystary qolǵa alynýda. Qazirdiń ózinde oqýshylar, onyń arasynda ul balalar da bar, shaǵyn kilemsheler, alashalar toqýdy meńgerdi. Oqýshylarǵa qajet tigin mashınalaryn, arnaıy qural-jabdyqtardy, ózge de qajetterdi Túrkııanyń yntymaqtastyq jáne úılestirý agenttigi berip, úlken qamqorlyq jasaýda. Al ultqa qajet iske qoldaý kórsetken mektep dırektory Bazarkúl Syzdyqova ekenin aıta ketýdi paryz sanaımyn.
«Ata óneri – balaǵa mura», «Ata kórgen oq jonar, sheshe kórgen ton pisher» dep halqymyzdyń búkil bolmysyn kórsetetin qoldanbaly salt úlgimizdi aınalysqa engizip, kúni erteń qazir keıbireýleri jádigerge aınalyp bara jatqanda, kıim úlgilerin kúndelikti qoldanysqa paıdalansaq, Qazaq eli osy bir qundylyǵymen de tórtkúl dúnıeni tamsandyrary anyq. Ony kóktemniń jasyl jelegindeı qaýlap ósip kele jatqan ul men qyz mektep qabyrǵasynda úırenip ósse, olar erteń qajetterine jaratyp qana qoımaıdy, urpaqtar sabaqtastyǵyna aınaldyrady. Básekelestik bel alǵan búgingideı almaǵaıyp zamanda ulttyq qolónerimizben de tanylyp, osy kúnderi tańsyq bolǵan ejelgi buıymdarymyzdy jas urpaqtyń qolymen jańǵyrtsaq jaqsy dúnıelerimiz, kádege tartar syılarymyz, kózdiń jaýyn alar zergerlik buıymdarymyz kóbeıe bereri sózsiz.
Lázzat ATYBAI,
Jambyl atyndaǵy №4 mektep-gımnazııanyń bastaýysh synyp muǵalimi, qolóner úıirmesiniń jetekshisi.
