Qostanaı qalasyndaǵy «BK Stroı» seriktestiginiń jumysshylary Táýishtegi turǵyn úı qurylysyn bastap jatyr. «Alıýmınstroı» JShS Kólqamys aýylyna 10 úı salyp beredi. Al 9 úıdi «ElıtStroıDom» qurylys kompanııasy turǵyzady. Qurylysshylardyń aıtýynsha, qurylysqa qajet materıal, tehnıka men jumys kúshi de jetkilikti.
«Biz Táýish aýylyna keshe ǵana keldik. 10 jyldan beri «BK Stroı» qurylys kompanııasynyń sheberimin. Alla amandyǵyn berse, búgin alǵashqy úıdiń qazyǵy qaǵylady. Kerek-jaraǵymyzdy, qurylys materıaldaryn ákep túsirip qoıdyq», deıdi Naýryz esimdi qurylys sheberi.
Jangeldın aýdanyna Denısov, Qarabalyq aýdany da kómektesip jatyr. «Denısov aýdany ákiminiń ózi osynda keldi. Jumysshylarǵa kerek-jaraq ákelip, tamaqtandyryp jatyr», deıdi Jangeldın aýdandyq ishki saıasat bóliminiń basshysy Jadyra Qoshemetova.
Qurylysshylar irgetasy jańa qalanyp jatqan turǵyn úılerdi mamyr aıynyń sońyna deıin salyp bitirýdi josparlap otyr.
Qostanaı oblysy
