Aqparattar aǵyny

*Bir jylda elimizdiń qor bır­jasynda saýda-sattyq kólemi edáýir ósti. Sońǵy derekterge qaraǵanda, bırjada barlyq sektorlar boıynsha saýda-sattyq aınalymy 46 692,8 mlrd. teńgeni quraǵan. Bul – 2013 jyldyń sáıkes kezeńimen salystyrǵanda 45,9 paıyzǵa artyq. *О́tken jyly ákimshilik aıyp­puldardyń jalpy somasy 26 mlrd. teńgeden asty. IIM ákimshilik polı­sııa komı­­­te­tiniń tóraǵasy Igor Lepehanyń aıtýynsha, byltyr 3 mln. 326 myń ákimshilik quqyq buzýshylyq anyqtalǵan. Munyń 2 mln.­ 321-i jol qozǵalysy erejesi salasyna qatysty bolyp otyr. *Elimizde 43,6 mlrd. teńgeniń 7 802 nysany zańdasty­­­­­ryldy. Qarjy mınıstrliginiń baspasóz qyzmeti múlikti jarııa etýge baılanysty jergilikti atqa­rýshy organdar janyndaǵy komıssııalarǵa 2015 jylǵy 8 qańtardaǵy jaǵdaı boıynsha jalpy quny 124,9 mlrd. teńge bolatyn 16 046 ótinish kelip túskenin málimdedi. * Byltyr astanalyq kásip­kerlerge keńinen qoldaý kórsetildi. Qalalyq kásipkerler palatasynyń dırektory Meıirbek Májıtov málim etkendeı, «Bıznestiń jol kartasy-2020» baǵdarlamasy aıasynda elordalyq kásipkerler ekinshi deńgeıli bankter arqyly 120 mln. teńge kóleminde jeńildetilgen nesıeler alǵan. *Qaraǵandyda qıyndyqqa tap bolǵandarǵa 12,6 mln. teńge qaras­tyryldy. Qala ákiminiń orynbasary Irına Lıýbarskaıa túrli apat nemese tilsiz jaý saldarynan azamatqa (otbasyna) nemese onyń múlkine zııan keltirilgen jaǵdaıda áleýmettik kómek oqıǵa oryn alǵan sátten bastap bir jyl ishinde beriletinin, bul bir rettik járdemaqynyń shekti mólsheri 100 aılyq eseptik kórsetkish kóleminde bolatynyn jetkizdi. *Ońtústik Qazaqstanda balyq sharýashylyǵyn damytýdyń is-sharasy bekitildi. Oblys ákimdigi baspasóz qyzmetiniń deregi boıynsha, 2015-2016 jyldarǵa arnalǵan osy jospardyń aıasynda óńirde 27 taýarly balyq sharýashylyǵy qurylady. Jobany júzege asyrý úshin «Maksımým» aımaqtyq ınvestısııalyq ortalyǵy» 400 mln. teńge kóleminde nesıe bermek. Naqtysyn aıtqanda, balyq ósirýmen aınalysamyn degen azamattar úshin je­ńildetilgen paıyzben bes jyl merzimge deıin nesıe alýǵa múmkindik bar. *Qyzylordada jańa jumys oryndaryn ashý jospary arty­ǵy­men oryndaldy. Oblystyq ekonomı­ka jáne bıýdjettik josparlaý basqar­masynyń basshysy Sáýle Qulymbetova atap kórsetkendeı, naqty sektorda jańa óndirister ashý, shaǵyn bıznesti damytý jáne áleýmettik nysandardy paıdalanýǵa berý esebinen óńir boıyn­sha 10 600 jańa jumys orny qurylǵan. *Batys Qazaqstanda eski mektep kúrdeli jóndeýden ótti. Oral qalasyna qarasty «Krýgloozernyı» kentindegi ábden tozyǵy jetken mektep ǵımaratyn qaıta qalpyna keltirýge 170 mln. teńge jumsalǵan. Qala ákimi Altaı Kólginov endi munda aýyl balalarynyń alańsyz bilim alýlaryna, deneshynyqtyrý pánin tıisti talaptarǵa saı ótkizýge barlyq jaǵdaı bar ekenin aıtty. Habarlar Úkimet, oblystyq ákimdikter saıttary men «QazAqparat» agenttiginiń derekteri boıynsha daıyndaldy.