AQTAÝ. 13 qańtar. Aqtaý qalasynda Memlekettik qyzmet isteri jáne sybaılas jemqorlyqqa qarsy is-qımyl agenttigi Mańǵystaý oblysy boıynsha departamentiniń uıymdastyrýymen «Bizdiń mindet – halyqqa qyzmet» atty forým ótti. Bul týraly egemen.kz tilshisi habarlady.
Forýmnyń maqsaty Prezıdenttiń «Nurly Jol – bolashaqqa bastar jol» atty Joldaýyn jáne 2015-2025 jyldarǵa arnalǵan sybaılas jemqorlyqqa qarsy strategııanyń talaptaryn, sondaı-aq jańa qurylǵan organnyń negizgi atqaratyn mindetteri týraly túsindirý jumysyn júrgizip, «Nur Otan» partııasynyń Mańǵystaý oblystyq fılıalymen jáne «Mańǵystaý oblysynyń azamattyq alıansy» ZTB-men sybaılas jemqorlyqqa qarsy is-qımyl salasyndaǵy ózara yntymaqtastyq týraly memorandýmǵa qol qoıý.
Departament basshysy M. Nálibaev jańadan qurylǵan departamenttiń negizgi mindetteri men keleshekte atqaratyn qyzmeti boıynsha túsindirdi. Sondaı-aq departament basshysynyń orynbasary – tártiptik keńestiń tóraǵasy M. Qadyrbek lepartamenttiń memlekettik qyzmetti ótkerý, tártiptik-ákimshilik tájirıbe, memlekettik qyzmet sapasyn baqylaý salasyndaǵy jumystyń negizgi baǵyttary týraly jáne jumystaǵy jańa baǵyttar – sybaılas jemqorlyq qaterlerdi baǵalaý men sybaılas jemqorlyqqa qarsy saýattandyrý týraly aıtyp berse, mekeme basshysynyń orynbasary D. Omarǵalıev jańa qurylǵan sybaılas jemqorlyqqa qarsy is-qımyl organynyń qyzmetine qatysty Qylmystyq jáne Qylmystyq is júrgizý kodeksiniń normalarymen tanystyrdy.
Departament pen «Nur Otan» partııasynyń Mańǵystaý obylystyq fılıaly, sondaı-aq Mańǵystaý oblysynyń «Azamattyq alıansy» ZTB ózara sybaılas jemqorlyq salasyndaǵy birlesken is-qımyl týraly memorandýmǵa qol qoıdy.
Gúlaıym Shyntemirqyzy.
Derek, sýret. egemen.kz.
