Hattama talaptary oryndalýy tıis

Keshe Ýkraınanyń Qazaqstandaǵy Ýaqytsha senimdi ókili Iýrıı Lazebnık arnaıy brıfıng ótkizip, Qazaqstan tarapynan Ýkraınaǵa kórsetilgen gýmanıtarlyq kómek týrasynda aıtyp berdi. «Biz Qazaqstandaǵy buqaralyq aqparat quraldary arqyly Ýkraınaǵa kórsetilgen qoldaý-kómek úshin sizderdiń elderińizge, qazaq halqyna jáne, árıne, Qazaqstan basshylyǵyna, Prezıdent Nursultan Nazarbaevqa alǵys bildirgimiz keledi. Budan buryn habarlanǵanyndaı, 10 qańtarda Lýgansk oblysynyń aýmaǵyna gýma­nıtarlyq kómek jetkizilgen bolatyn. Ol jerde turǵyndarǵa jalpy kólemi 380 myń AQSh dollaryn quraıtyn azyq-túlik tapsyryldy. Azyq-túlik et konservilerin, qantty, jarmany, ósimdik maıyn, ıaǵnı Ýkraınanyń antıterrorlyq operasııalar oryn alǵan aımaǵynda turatyn turǵyndarǵa eń qajetti degen dúnıelerdi quraıdy. Biz, bul oraıda, atalǵan kómekti tapsyrý úderisi Ýkraınanyń zańnamasyna jáne halyqaralyq quqyqtyń barlyq normalaryna tolyqtaı sáıkes júzege asqany úshin Qazaqstan basshylyǵyna aıryqsha rızashylyǵymyzdy jetkizgimiz keledi», dedi Iý.Lazebnık óziniń brıfıngte sóılegen sózinde. Onyń aıtýynsha, qazaq jerinen materıaldyq, gýmanıtarlyq kómek­ti jetkizý úshin Ýkraınanyń Qazaq­standaǵy elshiligimen jáne Qa­zaq­stannyń Ýkraınadaǵy elshi­li­gimen tyǵyz qarym-qatynas ornaǵan, buǵan qosa, bul is-sharaǵa Lýgansk oblystyq ákimshiligi men Ýk­raınanyń Tótenshe jaǵdaılar jónin­degi memlekettik qyzmeti de atsa­lysqan. Osynyń nátıjesinde, bul úde­ris óte jedel túrde júzege asqan. «Osy oraıda, Qazaqstan búkil­álem­dik qoǵamdastyqqa óziniń jaýap­kershilikke ıe halyqaralyq seriktes ekenin jáne dostyq nıettegi elge qaı kezde de qolushyn soza alatynyn baıqatty. Gýmanıtarlyq kómekti jetkizý úderisi, sondaı-aq, joǵary deńgeıdegi únqatysýdy jandandyrý aýanynda ótti. О́zderińiz biletindeı, ótken jyldyń 22 jeltoqsanynda Qazaqstan Prezıdenti Nursultan Nazarbaev Ýkraınaǵa saparmen barǵan bolatyn. Bul sapar barysynda qos memleket te qyzyǵýshylyq tanytyp otyrǵan barlyq salalar boıynsha yntymaqtastyqty odan ári jandandyrý máseleleri boıynsha tıisti kelisimderge qol jetkizilgen edi. Qazirgi tańda Ýkraınaǵa kómir jetkizý týrasynda kelissózder júrýde. Bul da mańyzdy. Sondyqtan, qazir eki el bul týraly kelisimge kelýde. Bıylǵy jyldyń birinshi toqsanynda Ýkraına prezıdenti Petr Poroshenkonyń Qazaqstanǵa sapary josparlanyp otyr. Sapar­dyń aldynda Ekonomıkalyq ynty­maqtastyq boıynsha memleket­ara­lyq komıssııanyń 12-shi otyrysy ótpek. Ǵaryshty zertteý syndy máseleler boıynsha ekijaqty árip­testik deńgeıinde iri jobalardy iske asyrý da qolǵa alynýda», dedi Qazaqstandaǵy Ýaqytsha senimdi ókil. Iý.Lazebnık Qazaqstannyń Ýk­raına­daǵy jaǵdaıdy beıbit retke keltirýdegi róline toqtala kele, As­tanada Ýkraına, Fransııa, Reseı prezıdentteriniń jáne Germanııanyń Federaldy kansleriniń deńgeıinde kezdesý ótkizý josparlanyp otyr­ǵanyn aıtty. «Qazaqstandyq tarap qazirdiń ózinde mundaı pishimdegi kezdesýdi uıymdastyrýǵa daıyn ekendigin bildirdi. Endi bul jıynnyń ótý ýaqytyn belgilep, bekitý ǵana qaldy. Maǵan Ýkraına prezıdenti ál­deneshe márte aıtqandaı, bul kez­desýdi ótkizýdiń negizgi ere­jesi ótken jyldyń qyrkúıek aıynyń basynda qol jetkizilgen Mınsk kelissózderiniń tolyqtaı oryndalýyna súıenýi kerek. Mınsk úderisteri bastamashylarynyń biri Qazaqstan Prezıdenti ekeni belgili. Sondyqtan Kıev Nursul­tan Nazarbaevtyń Mınskide ýaǵ­dalasylǵan kelissózderdiń tolyqtaı oryndalýy qajet degen ustanymyn qýattaıdy. Men, bul oraıda, Mınsk hattamasynda kórsetilgen pýnktterge nazar aýdarǵym keledi. Bul reseılik telearnalar aıryqsha mańyz berip otyrǵandaı, tek soǵys órtin óshirýge jáne áskerı kepilderdi aıyrbastaýǵa ǵana qatysty emes, bul jerde másele Ýkraına aýmaǵynan reseılik barlyq jaldamaly áskerdi shyǵarýǵa, sondaı-aq, Reseı-Ýkraına shekarasyndaǵy baqylaýdy qaıta qalpyna keltirýge de baılanysty bolyp tur. Budan keıin Ýkraına josparyna sáıkes, Lýgansk pen Doneskide Ýkraına zańnamalaryna saı keletin óńirlik saılaýlar ótkizilýi kerek. Al Kıev bul saılaýlarǵa qatysqan ókildermen kelissózder júrgizýge daıyn, dedi ol sóz sózinde. Sondaı-aq, ol keshe Petr Poro­shenko Kıev Donbasqa Eýropa­lyq odaqpen yntymaqtastyq ornatý úshin de, Reseımen qarym-qatynas jasaý úshin de, tildik rejim boıynsha da aıryqsha quqyq berýge daıyn ekendigin jetkizgendigin aıtty. «Iаǵnı, barlyq tıisti quqyqtar berilmek. Alaıda, bul úshin Lýgansk, Donesk oblystarynyń ókilettikke ıe azamattary kerek. Qazirgi tańda mundaı ókilder Reseıdiń azamattary bolyp tur. Olardyń basym kópshiligi – bas barlaý basqarmasynyń jáne basqa da arnaıy qyzmetterdiń ofıserleri. Al mundaı ókildermen qandaı kelissózder júrgizilýi múmkin», dedi. Iý.Lazebnık. Sondaı-aq, ol Ýkraınaǵa Eýropa memleketterinen materıaldyq jaǵynan qoldaý tany­tylǵanyn, al Qazaqstan TMD  el­deriniń ishinde ǵana emes, burynǵy postkeńestik keńistik elderi ishinde de alǵash bolyp gýmanıtarlyq kómek kórsetken memleket ekenin atap ótti. Láıla EDILQYZY, «Egemen Qazaqstan».