24 saǵat

*Qyzmetkerleri baýdaı túsirilgen fransýzdyq satı­ralyq jýrnaldyń jańa nómiri búgin Muhammed paıǵambarǵa arnalǵan kezekti karıkatýra sýretpen qaıta shyǵatyn boldy. Tırajy – 3 mıllıon dana. Buǵan deıingisi 60 myń ǵana taralymmen shyǵyp kelgen bolatyn. Sóıtip, jýrnal shyǵarýshylar qasirettiń ústinen de paıda kórgisi keletindeı. * Amerıkalyq kongresmen Rendı Ýeber AQSh prezıdenti Barak Obamanyń Parıjge terrorızmge qarsy marshqa barýdan bas tartýyna «túsinikteme berdi». О́kilder palatasynyń ókili óziniń pikirin bildire kele, Obamany Gıtlermen salystyrdy. «Tipti, Adolf Gıtler úshin de Parıjge barý (durys emes sebeppen bolsa da) mańyzdy bolǵan edi», dep atap ótti respýblıkashyl. * Birikken Arab Ámir­likteriniń energetıka mı­nıstri Faradj ál-Mazrýı mu­naı eksporttaýshylar uıymy el­deriniń (OPEK) munaı baǵa­syn qorǵaýǵa qabiletsiz ekenin moıyndady. Onyń sózine qara­ǵanda, munaı baǵasyn birden kóterý esh múmkin emes, birinshi kezekte ony qalypty deńgeıde ustap turýǵa kúsh-jiger jum­salýy tıis. * AQSh-tyń Nıý-Iork qala­synda turatyn búgingi zeınetker, burynǵy mektep dırektory Garold Daımond lotereıa­dan 326 mıllıon dollar utyp aldy. Seksen jastaǵy «aqsaqal» bıletti maı quıý stansasynan kezdeısoq, ıaǵnı zaıybymen birge jańbyrdan qorǵaný úshin kirgen kezde 10 dollarǵa satyp alypty. Molynan salynatyn salyqtan qalǵan 130 mıllıon dollar qarııaǵa qalaı jumsasa da jetetini anyq. * Qytaı jaqyn ýaqytta qa­rýlanýǵa jańǵyrtylǵan J-10V joıǵysh ushaǵyn qabyl­daıtyn bolady. Jańa úlgide­gi ushaq sany – 14. Alaıda, Aspa­n­asty eliniń áskerı-áýe kúsh­teri J-10V joıǵysh ushaq­tarynyń alǵashqy polkin qashan jasaqtaıtyny belgisiz. Al jańǵyrtylǵan ushaqtar konveıerden 2013 jyldyń jeltoqsanynda shyqqan eken. * Súńgýirler ótken jyldyń jeltoqsan aıynyń sońynda Iаvan teńizi akvatorııasynda apatqa ushyraǵan AirAsia áýe kemesiniń ekinshi «qara jáshigin» de jer betine alyp shyqty. Endi «qara jáshikter» eki apta boıy muqııat tekseriletin bolady. Eske sala ketsek, apatqa ushyraǵan jolaýshylar ushaǵynyń bortynda 162 adam bolǵan edi.     * Túrikmenstanda bir jyl ishin­de prezıdent Gýrbangýly Berdymuhamedovtiń port­reti shamamen eki ese qymbat­ta­ǵan. Muny «Hronıka Týrkme­nıstana» habarlady. Derek kózi atap kórsetkendeı, bir jyl buryn portretterdi 16 manatqa satyp alý múmkin bolsa, endi olardyń árqaısysy 33 manat (shamamen 10 dollar) tu­rady eken. Bastalǵan jylda jer­gilikti mektep dırektorlary prezıdenttiń jańa portretterin satyp alýǵa mindettelipti.    * Reseıdiń Kalınıngrad qalasynda eski Berlın kópiri opyrylyp túsip, apat saldarynan ótkeldi bólshektep buzyp jatqan 4 jumysshy qaza tapsa, ekeýi jaralanǵan. Polı­sııa qyzmetkerleri nysan­daǵy jumystardy qandaı qury­lys kompanııasynyń adamdary júr­giz­genin anyqtaý ústin­de. Atalǵan kópir, tozyǵy jetken­dikten sońǵy jyldary paı­dala­nylmaıdy eken. Son­dyq­tan ótken jyldyń qara­sha­­synan bastap bólshektele bas­taǵan. Ol 1938 jyly salynypty. Aqparat agenttikteriniń materıaldary negizinde ázirlendi.