Foto: Aqorda
– Tikushaq apaty saldarynan Iran Islam Respýblıkasynyń Prezıdenti Ibrahım Raısı men onyń senimdi serikteriniń qaıtys bolǵany týraly sýyt habardy tereń kúızelispen qabyl aldym. Ibrahım Raısı – Iran memleketi men halqynyń ál-aýqatyn arttyrýǵa, múddesiniń muqalmaýyna, aımaqtaǵy turaqtylyqty saqtaýǵa óz ómirin rııasyz arnaǵan kórnekti memleket qaıratkeri. Onyń qolǵa alǵan bastamalary men jetistikteri halyqaralyq qaýymdastyq tarapynan joǵary baǵalanǵany barshaǵa málim. Qazaqstandyqtar Ibrahım Raısıdi parasatty basshy, halyqaralyq deńgeıdegi bedeldi saıasatker, ekijaqty yntymaqtastyqty nyǵaıtýǵa zor eńbek sińirgen tulǵa retinde árdaıym esinde saqtaıdy. Marqumdardyń jatqan jeri jaıly, topyraǵy torqa bolsyn, – dep jazylǵan jedelhatta.Eske salaıyq, buǵan deıin Iran Prezıdenti Ibrahım Raısıdiń tikushaq apatynan kóz jumǵanyn habarlaǵan edik.
