Chempıonatqa elimizdiń túkpir-túkpirinen komandalar keldi. Oǵan elimizdiń 3 qalasy men 12 oblysynan 176 sportshy, onyń ishinde erler– 96, áıelder – 80 adam qatysyp jatyr. Jarystyń bas tóreshisi –halyqaralyq dárejedegi tóreshi Baýyrjan Tólegenov.
«Chempıonat joǵary deńgeıde ótip jatyr. Basty maqsatymyz – ulttyq oıynymyz toǵyzqumalaqty nasıhattaý. Bıyl biz Kóshpendiler oıyndary men onyń aıasynda ótetin toǵyzqumalaqtan jáne oǵan uqsas ovarı men mangala oıyndarynan jarystarda joǵary nátıje kórsetýdi kózdep otyrmyz. Qazir oǵan daıyndalyp jatyrmyz», dedi toǵyzqumalaqtan memlekettik jattyqtyrýshy Dáýlet Ábdikárimov.
Toǵyzqumalaqtan erler men áıelder arasyndaǵy respýblıkalyq birinshilik 22 mamyrǵa deıin jalǵasyp, sodan keıin onyń jeńimpazdary anyqtalady.
