Munyń túr-sıpaty negizinen aınaǵa qarap turǵan suraq belgisine uqsaıdy. Tek ıregi sál kúrdelirek. Syrtqy pishini asa qatty tańǵaldyrmady, bilem. Biraq onyń sóılem sońynda emes, sóılemniń aldynda turatyny ózgede joq erekshelik emes pe? Mysqyl belgisin HIH ǵasyrdan bastap qoldanýdy alǵash usynǵan – jazýshy Alkanter de Bram. 1966 jyly jazýshy Erve Bazen «Plumonus L`Oiseau» kitabynda dál osy belgini hatqa túsirgen. Alaıda ýaqyt óte kele útir, núkte bastaǵan tynys belgileri mysqyl belgisiniń mysyn basyp ketti.
Interrobang
Bul belginiń ataýy tosyn bolǵanymen, qyzmeti barshaǵa málim. Túsiniktirek bolý úshin basynan bastaıyq...
Lep belgisi men suraý belgisi tutasyp ketken tynys belgini 1962 jyly «New York Advertising Agency» jarnama agenttiginiń basshysy Martın Spekter oılap tapty. Ol ony «ınterrobang» dep atap, rıtorıkalyq suraýly sóılemderde qoldanýǵa bolady dep túsindirdi. Iаǵnı jaýaby ózinen-ózi aıqyn nárseni áserli leppen, suraý túrinde jetkizgende ınterrobang iske kirisedi. Al sózdiń tórkinine kelsek, «interrogativus» latyn tilinen aýdarǵanda suraýshy, «bang» sózi jarylys degen maǵynany bildiredi. Biraq bul kúnderi suraý belgisi men lep belgisi burynǵydaı emen-jarqyn aralaspaıtyny belgili.
Mahabbat belgisi
Erve Bazenniń «Plumonus L`Oiseau» kitabynda mahabbat belgisiniń de qarasy bir kóringen.
Baıqasaq, munda eki suraý belgisi bir-birine qarap tur. Bir qyzyǵy, olar ekeý bolsa da, astyndaǵy núkteleri ortaq. Iаǵnı bir kóziń kúlip, ekinshi kóziń jylaı almaıtyny sekildi mahabbatta «men» degen uǵym joqtyǵyn osy tynys belgisi aıqyn ańǵartyp tur. Eger ol bul zamanǵa jetip, pernetaqtadan oryn alsa, eń tanymal tynys belgisi bolar edi...
