Foto: Joǵarǵy sot
Prezıdenttiń memleket qarajatyn qatań túrde únemdeý rejımin engizý týraly tapsyrmasyn oryndaý boıynsha SÁ-de shyǵystardy josparlaýǵa baqylaý kúsheıtilip, olardyń basymdyǵy aıqyndaldy.
Bıyl sot júıesinde 13 mıllıard teńgeniń qurylys jobalary júzege asyrylyp jatyr.
Qazirgi ýaqytta jańa ǵımarattarda Túrkistan, Pavlodar, Shyǵys Qazaqstan oblysynyń Glýbokovskıı aýdanynyń jáne Atyraýdyń sottary ornalasqan.
Jyldyń sońyna deıin Abaı, Batys Qazaqstan jáne Soltústik Qazaqstan oblystarynda 70-ke jýyq sot ǵımaratyn jóndeýden ótkizip, taǵy úsh sot ǵımaratynyń qurylysyn aıaqtaý josparlanyp otyr.
SÁ basshysy Naıl Ahmetzakırov óńirlik bólimshelerdiń nazaryn qarjylyq tártipti qatań saqtaý qajettiligine aýdardy.
Aýmaqtyq organdarǵa bıýdjet qarajatyn bólýdiń negizdiligine baqylaýdy kúsheıtý, qyzmetkerlerdiń bıýdjet zańnamasy, memlekettik satyp alý jáne býhgalterlik esep salasyndaǵy zańnamasy salasyndaǵy biliktiligin arttyrýdy qamtamasyz etý tapsyryldy.
Sonymen qatar aýdıt jáne qarjylyq qyzmetter buzýshylyqtardy anyqtaýǵa jáne tez arada joıýǵa baǵyttalǵan.
