Janýarlar tamaqtarynyń dámin adamdarǵa aıta almaıdy. Sol úshin tabıǵat janashyrlary «dám keltirýshi» degen mamandyq oılap tapqan. Osy ispen aınalysatyndardyń biri – Saımon Elısson. Oǵan mysyq pen ıtterdiń tamaǵyn synaqtan ótkizgen unaıdy eken. Súıikti isinen aqsha da taýyp júr. Saımonnyń pikiri azyqtyń bazarǵa shyǵarylýy nemese shyǵarylmaýyna tikeleı áser etedi.
Synaqtan ótkizedi
Attraksıon, sýǵa shomylatyn oıyn alańdary jańadan ashylǵan kezde synaqtan ótýge tıis. Osy isten adrenalın alyp, tekseristen ótkizetin erekshe mamandyq bar eken.
Jańadan iske qosylǵan demalys oryndarynyń eń birinshi qonaǵy – osyndaı jandar. Eger siz mundaı mamandyqty jaqsy meńgerseńiz, álemniń kez kelgen núktesinen ózińizge jumys taýyp alasyz. Bul is qyzyq bolyp kóringenimen, qaýipti. Sebebi bıik qubyrdan quldılaý, árli-beri ushyra jóneletin attraksıondarǵa alǵash otyrý úshin júrek kerek. Eger kemshin tustary bolsa, synaqtan ótkizetin adam zardap shegýi ábden múmkin.
Kásibı ysqyrǵysh
Keıbir adamdarǵa ysqyrǵandaryna bola aqsha tóleıdi. Sondaı jandardyń biri – Stıv Herbst.
Ol birneshe márte kórkem ysqyrýdan álem chempıonatynda júldeli orynǵa ıe boldy. Stıvti kishkentaı kezinde ata-anasy qonaqqa barǵanda birge alyp júretin bolǵan, sebebi ol óziniń ónerimen jaqyn tanystarynyń kóńilin kóteredi eken. Stıv – jarnamalyq fırmanyń qyzmetkeri, ol Manhettenniń kóshelerine de shyǵyp óz ónerin kórsete alady. Ony Mosart nemese Lıstiń erekshe ánderin tyńdaýǵa jınalǵan kóptegen esineýshiniń arasynan ońaı ajyratýǵa bolady.
