Ámın Tuıaqov – qazaqtan shyqqan jeńil atletshi. Tipti júgirýmen aınalyspaıtyn adamnyń mańǵystaýlyq jelaıaqtan úıreneri kóp. Onyń eńbek jolyna úńilsek, ol árbir ýaqytyn óte únemdi paıdalǵanyn kóremiz. Sonyń arqasynda ónimdi nátıjege jetken. 20,6 sekýndta 200 m qashyqtyqqa júgirip ótip, odaqtyń rekordyn jańartady. Shirkin, shynymen ańyz adam ǵoı!
5 maýsym
Trendterdiń bastaý bulaǵy AQSh ekenin búkil álem moıyndap qoıǵan. Al búgingi kún sol trendterdiń arasyndaǵy adamzat úshin eń paıdalysy desek te bolady.
5 maýsym – dúnıejúzilik júgirý kúni. Alǵashynda jeńil atletshilerdiń kásibı merekesi dep sanalǵanymen, búginde árbir salamatty ómir saltyn ustanýshy adam úshin bul kúnniń orny bólek. Jerdiń túkpir-túkpirinen mıllıondaǵan adam judyryqtaı jumylyp, arnaıy estafetada alma-kezek júgiredi. Jańa Zelandııadan bastap Aýstralııa, Japonııa, Eýropa, Afrıka, Ońtústik jáne Soltústik Amerıkaǵa deıin jalǵasady.
Tańerteń qalańyzdyń alańdarynda sportshylar kóbeıse, tańǵalmaı birge jattyǵyp kórińiz. Jyl boıy túrli mereke toılanyp jatqanda mundaı kúnnen qapy qalmaǵanymyz jón.
Erekshe marafonshy
Kanadalyq Terrı Foks – erekshe jan. Ol ampýtasııalanǵan aıaqpen 5000 km júgirip ótken.
Oǵan 19 jasynda súıek qaterli isigi dıagnozy qoıylǵan. Dárigerler aıaǵyn tizeden tómen kesip tastaǵan. Qaıratty jigit sonda da moıymady. Qaterli isikke shaldyqqan naýqastarǵa kómektesý úshin «úmit marafonyn» jasady. Ol júgirý arqyly eliniń túkpir-túkpirin sharlap, ár kanadalyqtan kem degende bir dollar jınady. Tańǵalarlyǵy, úshjyldyq jattyǵýdan keıin Terrı protezben Atlant muhıtyn betke alyp, kúnine orta eseppen 42 km júgirdi. Alaıda 143 kúndik júgirý men 5373 shaqyrymnan keıin onyń demi úzildi. Degenmen janashyr jannyń naýqany 24 mıllıon dollar jınap, qanshama jannyń ómirin saqtap qaldy.
Daıyndaǵan –
Ásem JANATOVA,
L.N.Gýmılev atyndaǵy EUÝ stýdenti
