Býdapeshte buıyrǵan alty júlde

Kelesi kúni bozkilemge shyqqan Azamat Dáý­­letbekovtiń joly bol­­mady. 86 kg salmaqta syn­ǵa tús­ken ol Olımpıada men álem chempıonatynyń, Eýropa oıyn­darynyń qola júldegeri albanııalyq Maılz Amın men rýmynııalyq Patrık Pýes­poekıdi utqa­ny­men, shırek fınalda Irannyń dańqty pehlevany Hasan Iаz­danıge jol berdi. Al qola medal úshin básekede Azamattyń ja­ponııalyq Haıato Ishıgýroǵa áli jetpedi.

Erkin kúresten ótken jarys­tyń jeńimpazdary: 57 kg – Reı Hıgýchı (Japonııa), 61 kg – Arsen Harýtýnıan (Armenııa), 65 kg – Kotaro Kııýooka (Japonııa), 70 kg – Arman Andreasıan (Arme­nııa), 74 kg – Razambek Jamalov (О́zbekstan), 79 kg – Otarı Ba­gaýrı (Grýzııa), 86 kg – Hasan Iаz­danı (Iran), 92 kg – Mırıanı Maısýrazde (Grýzııa), 97 kg – Áli­sher Erǵalı (Qazaqstan), 125 kg Mason Parrıs (AQSh).

Áıelder kúresiniń has she­beri Jámılıa Baqbergenova óziniń úırenshikti 72 kg sal­maq dárejesine qaıta oralyp, atalǵan týrnırde qarsylas­tarynyń barlyǵynan basym tús­ti. Nátıjesinde, altynnan alqa taqty. Dál osy sa­l­maqtaǵy Gúlmaral Erke­baeva qola me­dal­di moınyna ildi. Al Emma Tısına men Marına Sedneva (55 kg) jáne Irına Kazıýlına (65 kg) elge qur­alaqan qaıtty.

Áıelder kúresinen ótken jarystyń jeńimpazdary: 50 kg – Zegı Feng (Qytaı), 53 kg – Emma Malmgren (Shvesııa), 55 kg – Iovıta Marııa Vjesen (Pol­sha), 57 kg – Kehın Hong (Qytaı), 59 kg – Alına Fılıpovıch (Ýkraı­na), 62 kg – Ana Paýla Gon­zales (Kanada), 65 kg – Irına Bondar (Ýkraına), 68 kg – Býse Tosýn (Túrkııa), 72 kg – Jámılıa Baq­bergenova (Qazaqstan) jáne 76 kg  Tatıana Renterııa (Kolýmbııa).

Grek-rım kúresinen ótken jarysta Aıdos Sultanǵalı (60 kg), Demeý Jadyraev (77 kg), Nursultan Tursynov pen Shámil Ojaev (86 kg) jáne Álim­han Syzdyqov (130 kg) syndy balýandardyń ónerin tama­shaladyq. Álem chempıonatynyń eki dúrkin qola júldegeri degen ataǵy bar Aıdos alǵashqy aınalymda opyq jedi. Jerlesimiz Ońtústik Koreıanyń balýany Kım Daýhýnnan utyl­dy. Dúnıejúzilik dodanyń fı­nalısi Demeý Jadyraev álem chempıonatynyń eki dúrkin kúmis júldegeri, Eýropa chempıo­ny, ázerbaıjandyq Sanan Sýleı­manovtyń osal tusyn taba almady.

86 kg salmaq dárejesinde synǵa túsken saqa sport­shy­myzdyń ekeýi de jeńis tu­ǵyryna kóterile alǵan joq. Túrkııalyq Álı Chen­gız Shámilge shań qap­tyryp ketse, Nursultan 2023 jylǵy álem chempıony, ma­jar­standyq Davıd Loshonsıge jol berdi. Al Álimhan Syzdyqov «shý» degennen Túr­kııanyń tar­lany Amın Gennıchıden utyldy.

Grek-rım kúresinen ótken jarystyń jeńimpazdary: 55 kg – Eldenız Ázızlı (Ázerbaıjan), 60 kg – Prıdon Abýladze (Grýz­ı­ıa), 63 kg – Murat Mamadov (Ázer­­baıjan), 67 kg – Lýıs Al­berto Sanches (Kýba), 72 kg – Hasrat Ja­farov (Ázerbaıjan), 77 kg – Nao Kýsaka (Japonııa), 82 kg – Erık Sılvashı (Ma­jar­stan),  87 kg – Semen Novı­kov (Bolgarııa), 97 kg – Muham­mad­­hadjı Saravı (Iran) jáne 130 kg Fardın Heıdaıatı (Iran).