foto: Astana qalasy ákimdigi
Astana qalalyq bilim basqarmasy aqparatty rastady.
«Qazaqstannyń Oqý-aǵartý jáne Ishki ister mınıstrlikteriniń hatyna baılanysty elordada 3-4 shilde kúnderi mektepke deıingi uıymdar jumys istemeıdi», delingen bilim basqarmasy taratqan habarlamada.
Buǵan deıin Aqorda Shanhaı yntymaqtastyq uıymy sammıtine ShYU-ǵa múshe memleketter basshylary saıası, saýda-ekonomıkalyq jáne mádenı-gýmanıtarlyq salalardaǵy yqpaldastyqtyń kóptegen ózekti máselesi talqylanatynyn málimdegen edi.
Azamattarǵa yńǵaıly bolý maqsatynda, ásirese joldarda keptelis bolmas úshin 2-4 shilde aralyǵynda memlekettik mekemelerge jáne kvazımemlekettik sektorlarǵa qyzmetkerleriniń 70%-yna deıin qashyqtan jumys isteý formatyna aýystyrý usynylady. Sol sııaqty 3-4 shilde kúnderi mektepke deıingi mekemeler jumys istemeıdi.
Bul – iri halyqaralyq is-sharalardy ótkizý barysynda kúsheıtilgen qaýipsizdik sharalary qabyldanatyn jáne azamattarǵa yńǵaıly bolý úshin ishinara qashyqtan jumys isteý tártibi engiziletin álemdik tájirıbe.
