Foto: Sý resýrstary jáne ırrıgasııa mınıstrligi
Sý resýrstary jáne ırrıgasııa mınıstrliginiń málimetinshe quramyna Qazaqstan, Qyrǵyzstan, Tájikstan, Túrikmenstan, О́zbekstan kiretin Memleketaralyq sý sharýashylyǵy komıssııasynyń 86-shy otyrysynda taraptar sýarý maýsymynda Soltústik Aralǵa aǵyn sekýndyna keminde 30 tekshe metr bolady jáne 997 mln tekshe metr sý jiberiledi dep kelisti. Qazirgi ýaqytta teńizge sekýndyna 50 tekshe metr sý keledi. Bir jyl buryn aǵyn sekýndyna 6 tekshe metr bolǵan.
Osyǵan deıin Soltústik Araldy ońtústikten bólip turǵan Kókaral bógetiniń qurylysy aıaqtalyp, sý deńgeıin kóterýge múmkindik berdi.
«Bóget paıdalanýǵa berilgennen búginge deıin Syrdarııa ózeninen Soltústik Aral teńizine 46,6 mlrd tekshe metr sý keldi. Al sońǵy 7 jylda teńizge 13,3 mlrd tekshe metr sý tústi. Sońǵy jyldary Soltústik Araldyń sý kólemi azaıdy, alaıda 2024 jyldyń basynan bastap deńgeıi qaıta kóterile bastady jáne búginde 21,4 mlrd tekshe metrge jetti», dedi vedomstvonyń resmı ókili Móldir Ábdýalıeva.
Aıta ketsek, Syrdarııa ózeni aǵynynyń 75%-y Qyrǵyzstanda, 20%-y О́zbekstanda, 5%-y Qazaqstanda qalyptasady.
