Qoǵam • 26 Maýsym, 2024

Múmkindigi shekteýli jandarǵa beriletin járdemaqy mólsheri belgili boldy

230 ret

kórsetildi

1 mın

oqý úshin

QR Eńbek jáne halyqty áleýmettik qorǵaý mınıstrliginiń derekterine súıensek, Qazaqstanda 725 myń múgedek adam turady, onyń 58%-y eńbekke jaramdy, 26,9%-y zeınetkerlik jasta, 15,1%-y 18 jasqa deıingi balalar, dep habarlaıdy Egemen.kz.

Qyrmyzy JUMAǴALIQYZY

Múmkindigi shekteýli jandarǵa beriletin járdemaqy mólsheri belgili boldy

Foto: VGstockstudio / Shutterstock / Fotodom

Eńbek jáne halyqty áleýmettik qorǵaý mınıstri Svetlana Jaqypovanyń aıtýynsha, áleýmettik kodekste múgedekterdi áleýmettik qorǵaýdyń úsh deńgeıli júıesi qarastyrylǵan: járdemaqylar men áleýmettik tólemder túrindegi memlekettik kómek pen qoldaý, áleýmettik ońaltý sheńberinde deneniń joǵalǵan fýnksııalaryn óteý, arnaýly áleýmettik qyzmetterdi kórsetý, jumyspen qamtý.

Mınıstr 2024 jyldyń 1 qańtarynan bastap járdemaqy 7 paıyzǵa óskenin atap ótti. Mysaly, jalpy aýrýyna baılanysty múgedekterge tólenetin járdemaqy mólsheri ótken jylmen salystyrǵanda: birinshi topqa – 89,2 myń teńgeden 95,5 myń teńgege; ekinshi topqa – 71,4 myń teńgeden 76,4 myń teńgege deıin; úshinshi topqa – 48,7 myńnan 52 myń teńgege deıin ósti.

2024 jylǵy 1 maýsymdaǵy jaǵdaı boıynsha járdemaqy alýshylardyń sany - 541,8 myń adam, onyń ortasha mólsheri - 74 myń teńge. Sonymen qatar sońǵy alty jylda múgedektik boıynsha járdemaqynyń ortasha mólsheri 2,3 eseden asa ósti.