Almatynyń Naýryzbaı aýdanynda óndiristik nysandar salynbaıdy

ALMATY.11 maýsym. Shańyraǵyn jańadan ǵana kótergen Naýryzbaı aýdany aldaǵy 4 jyldyń ishinde adam tanymastaı ózgeredi. Qala sáýletshileri – aımaq qazirgi provınsıalyq keıpinen múldem tazaratyn bolady deıdi.  Bul týraly egemen.kz  habarlady. Qurylystyń aldan ala jasalynǵan bas jobasy boıynsha Naýryzbaı aýdanynda 1300 sharshy metrlik turǵyn úı salynyp, 15 yqsham aýdan turǵyzylady. Alǵashqy kezeńde bul keshenderde 70 myń adam qonystanady. Barlyǵy 4 mektep pen 9 bala baqsha salynady. «Qalaqurylysy» jaýapkershiligi shekteýli seriktestiginiń dırektory Altaı Satybaldıev: «Munyń syrtynda aýdandyq ákimdik ǵımaraty, ortalyq alań, shyǵarmashylyq úıleri men memlekettik basqarý organdyrynyń ǵımarattary salynady», – dedi. Nazar aýdaratyn bir jaıt, Naýryzbaı aýdanynda óndistik nysandarǵa oryn joq. Kerisinshe, halyq demalatyn saıabaqtar men stadıondar jáne úlken bir ıppodrom boı kóteredi. Almaty qalysynyń tuıyqtalǵan Abaı men Ulyqbek jáne Jubanov kósheleri taıaý arada aýdanǵa qaraı jol-kólik qatynasyn ashatyn bolady. Talǵat Súıinbaı. Derek, sýret: egemen.kz.