Oralda 6 jyl jalǵan dıplommen jumys istegen maman ustaldy

ORAL. 11 maýsym. Batys Qazaqstan oblysynyń ortalyǵy – Oral qalasyndaǵy sý sporty boıynsha balalar men jasóspirimder sport mektebi dırektorynyń orynbasary Raıgúl Elesovanyń Qazaq sport jáne týrızm akademııasynyń bitirgeni jónindegi dıplomy jalǵan bolyp shyqty. Bul týraly egemen.kz habarlady. Osy derekke baılanysty Oral qalalyq ishki ister basqarmasy tıisti tergeý júrgizýde. Batys Qazaqstan oblystyq dene tárbıesi jáne sport basqarmasynyń bastyǵy Azamat Beket onyń jalǵan dıplommen qyzmetke budan 6 jyl buryn alynǵanyn aıtty. Iаǵnı, Azamat Beket basqarmaǵa basshy bolyp kelgen kezge deıin qabyldanǵan. Alaıda ol Raıgúl Elesovanyń jalǵan dıplommen jalaqy alyp júrgenine der kezinde baqylaý jasaı almaǵanyna ókinishin bildirýde. Sý sporty boıynsha balalar men jasóspirimder mektebinde budan basqa da zańsyzdyqtar men keleńsizdikter kezdesken. Ony osy mekteptiń oqýshylary ǵana emes ózge tulǵalar da paıdalanyp kelgen. Basseındi tıisti medısınalyq qujaty joq adamdar jeke múddeleri úshin jalǵa alyp otyrǵan. Eń soraqysy, sý basseıni oqý-úırený ýaqyty kezinde jalǵa alynǵan. Alaıda bul derekti Azamat Beket joqqa shyǵardy. «Basseındegi jolaqtardy ózge tulǵalar tek sabaqtan tys kezde ǵana paıdalandy», – deıdi ol. Kórsetilgen derekter oıynsha Oral qalalyq prokýratýrasy ony qalpyna keltirý jóninde narazylyq engizdi. Temir Qusaıyn. Derek: egemen.kz. Sýret: lady.ru.