Aqtóbede máslıhat depýtattary qoǵamdyq qabyldaý júrgizdi

AQTО́BE. 11 maýsym. Aqtóbe oblystyq máslıhatynyń depýtattary Ánýar Tasymov pen Dmıtrıı Dovmatenko «Jas Otan» jastar qanatynyń «Jastar – Otanǵa!» partııalyq jobasy aıasynda qoǵamdyq qabyldaý júrgizdi. Bul týraly egemen.kz tilshisi habarlady. Qalanyń ortalyq bazarynda ornalasqan «Keńes berý ortalyǵynda» ótken sharada jastardyń ózekti máseleleri tyńdalyp, keńes berildi. «Nur Otan» partııasynyń «Sátti qadam» jobasy jáne jastarǵa qajetti memlekettik baǵdarlamalar boıynsha túsindirý jumystary júrgizildi. «Jas Otan» jastar qanaty keńes berý ortalyǵynyń keńesshisi Islam Isenǵazıevtyń aıtýynsha, ortalyqqa jumyspen qamtýdy úılestirý jáne áleýmettik baǵdarlamalar basqarmasynyń, «Turǵyn úı qurylys jınaq bankiniń» jáne Qarjy mınıstrligi memlekettik kirister komıtetiniń Aqtóbe oblysy boıynsha departamenti mamandary, jastar uıymdarynyń ókilderi, medısına qyzmetkerleri kelip, halyqqa óz salalary boıynsha keńes berip keledi. Osyndaı sharanyń arqasynda jyl basynan beri 150-ge jýyq adam keńes alǵan. Satybaldy Sáýirbaı. Derek: egemen.kz. Sýret: kub.kz.