Úshinshi maýsymda QHR Tóraǵasy Sı Szınpın sóılegen sózderinde nemese maqalalarynda qoldanǵan, negizinen birlikte órkendeý, ekologııany qorǵaý, mádenı qundylyqtardy mura etip qaldyrý, órkenıet áralýandyǵy sekildi taqyryptardy qamtıtyn kóne qytaı ańyzdaryndaǵy, tarıhı jáne fılosofııalyq traktattaryndaǵy dereksózder jınaqtalǵan. Sıklden qytaı kóshbasshysynyń memleket basqarýda qandaı ıdeıalardy basshylyqqa alatyny, onyń ótken men búginge kózqarasy qandaı ekeni aıqyn ańǵarylady. Baǵdarlamalar sıkli shetel aýdıtorııasyna, sonyń ishinde Qazaqstan kórermenderine Qytaı saıası oı-sanasynyń bastaýlary men damý joldaryn, tarıhı mánmátini men qytaı úlgisindegi jańǵyrýlardyń mádenı túp-tamyrlaryn jáne de Qytaıdyń damýy qazirgi álemge ne beretinin túsinýge múmkindik týǵyzady.
Qazaq tilindegi nusqasynda ekpin mádenıetterdiń kópqyrlylyǵyna, beıbit qatar ómir súrýge, taǵdyrlar ortaqtyǵyna túsirilip, Sı Szınpınniń adamzattyń birtutas taǵdyrly qoǵamdastyq qurýdaǵy ıdeıalary men elderdiń «Bir beldeý – bir jol» bastamasy aıasyndaǵy ózara is-qımyly naqty kórsetilgen. Mysaly, dereksózderdiń biri «Úshpatshalyq hronıkasy» jylnamasynan alynǵan. Onyń aýdarmasy mynadaı: «Dámi til úıiretin sorpanyń syry – túrli dámdeýishterdiń úılesiminde». Ol túrli eldiń san qıly tarıhı joldary men ulttyq erekshelikteri, etnostyq sıpattamalary men dástúrleri alýan mádenıetter men órkenıetter týyndatyp, dúnıeni baı ári kópqyrly ete túskenin atap kórsete kelip, Qytaıdyń órkenıetter ártúrliligine kózqarasyn bildiredi.
«Sı Szınpınniń súıikti qanatty sózderiniń» úshinshi maýsymy qazaq tilinde «Atameken Bıznes» telearnasynyń efıri men basqa da medıaplatformalarda kórsetiledi. Sondaı-aq joba «Delovoı Kazahstan» gazetinde, «Karavan», Lada.kz, Baigenews.kz ınternet-portaldarynda jáne basqa aqparat kózderinde jarııalanady.
