ASTANA. 11 maýsym. Qazaqstanda qylmys ústinde nemese sonyń áreketinde qolǵa túsken pedofılderge sot júzinde jaza kesýmen birge, olardy pishtirýdi qoldanysqa engizý týraly usynys berildi. Bul týraly Tengrinews.kz tilshisi habarlady.
«Pishtirý daýly másele bolǵanymen, ol erikti nemese eriksiz túrde, hımııalyq nemese ota jasaý joldarymen jasalatyn saqtandyrý sharasy bolyp tabylady. Qazir kóptegen elderde, - olardyń arasynda Reseı de bar, - osy sanattaǵy qylmysty azaıtý baǵytyndaǵy jazalaýdyń bul túri zańǵa engizilgen jáne birinshi kezekte ol búldirshinderdi qorǵaý maqsatynda qoldanylady», - dep málimdedi Qazaqstan bas prokýrorynyń orynbasary Nurmahanbet Isaev Astanada ótken otyrys barysynda.
Ol ishki ister, densaýlyq saqtaý men áleýmettik damý organdaryna bul máseleni jan-jaqty qarastyrýdy usyndy.
Isaev óz sózinde qoǵamnan zorlyqshylardy shettetý sharalarynyń jetkiliksiz bolyp otyrǵanyn aıtty. «Jyl saıyn túrmeden júzdegen zorlyqshy shyǵady jáne olar burynǵy ádetterine qaıta oralmaıdy degen eshqandaı kepil joq. Bizdiń keıbir qyzmetkerlerdiń osy qylmys túriniń qaıtalanýyna qatysty dáleli óte tómen, nazarǵa ilige almaıdy, sebebi bul qylmystardyń beımálimdigi asa joǵary (...). Sondyqtan onyń sebebin, psıhıka patologııasyn, sadızmge beıimdiligin anyqtaý úshin psıhologııalyq-psıhıatrııalyq saraptamalar jasalýy kerek, sebebi, jylda 100-ge deıin zorlyqshy túrmeden shyǵady», - dedi bas prokýrordyń orynbasary.
Ol óz sózinde mynadaı mysal keltirdi: О́skemende zorlaý áreketi úshin 2000 jyly sottalyp, 2005 jyly túrmeden bosap shyqqan azamat birneshe aıdan keıin sol qylmysty qaıta jasaǵan. 10 jyl túrmede otyryp, aqpanda shyqqan ol eki aptadan keıin búldirshindi zorlaǵan bolyp shyqty.
Talǵat Raıymbek.
Derek, sýret: Tengrinews.kz.
