Foto: sn.kz
Búgin sot zalynda B. esimdi azamatqa qatysty qylmystyq is qaraldy. Pavlodar turǵynyna kisi óltirdi degen aıyp taǵylǵan.
«Sottyń anyqtaýy boıynsha 2009 jyldyń 6 shildesinde masań kúıde bolǵan B., janjal saldarynan K.-ny tunshyqtyryp óltirip, keıin denesin kólge batyryp jibergen», delingen sottyń baspasóz qyzmeti taratqan habarlamada.
Sottalýshynyń kinási kýágerlerdiń aıǵaqtarymen, sot saraptamasynyń nátıjelerimen jáne sotta zerttelgen basqa da derektermen dáleldendi. Er adam kinásin moıyndady.
Aıta keteıik, qylmysker buryn sottalǵan bolyp shyqty.
«Barlyq mán-jaıdy eskere otyryp, sot qylmystardyń jıyntyǵy boıynsha B.-ǵa qylmystyq-atqarý júıesiniń qaýipsizdigi barynsha joǵary mekemelerinde óteýmen 18 jylǵa bas bostandyǵynan aıyrý jazasyn taǵaıyndady», delingen habarlamada.
Úkim zańdy kúshine engen joq.
