Foto: Twitter/keshabpoudel2
Katmandupost basylymynyń habarlaýynsha, bortta ekıpaj múshelerin qosqanda 19 adam bolǵan. Aldyn ala málimet boıynsha, ushaq qulaǵan jerden 18 adamnyń máıiti shyǵarylǵan.
Áýejaı basshylyǵynyń aıtýynsha ushaqta jolaýshylar emes, tek tehnıkalyq mamandar bolǵan.
Anyqtalǵandaı, apat jergilikti ýaqyt boıynsha saǵat 11:00-de ushý-qoný jolaǵynan kóterilý kezinde bolǵan. Ushaq eldegi halqy eń kóp ekinshi qala Poharaǵa bet alǵan. Kýágerlerdiń aıtýynsha ushaq ushý-qoný jolaǵynyń ońtústik shetinen (Koteshvor jaǵy) kóterilip bara jatqanda kenet aýdarylyp, qanatynyń ushymen jerge soǵylyp, birden otqa oranǵan. Sodan keıin ol ushý-qoný jolaǵynyń shyǵys jaǵyndaǵy - Buddha Air angary men radıolokasııalyq stansııanyń arasyndaǵy saıǵa qulaǵan.
Oqıǵa ornynda polısııa men órt sóndirýshiler qutqarý jumystaryn júrgizip jatyr.
