Olar Shyńjań qalasynda 25 maýsym men 4 shilde aralyǵynda ótken «The 2024 Tsinghua Shenzhen International Graduate School» jazǵy mektebine qatysty. Bul baǵdarlama jyl saıyn álemniń ár túkpirinen kelgen talantty stýdentterdi akademııalyq turǵydan damytady. Mádenı kókjıegin keńeıtip, basqalarmen tájirıbe almasady. Atalǵan stýdentter 2000 úmitkerdiń arasynan iriktelip shyqqan. Sóıtip, olar álemniń 34 elindegi 63 ýnıversıtetten kelgen 110 qatysýshynyń qataryna qosyldy. Atap aıtsaq, jazǵy mektepke NU Injenerııa jáne sıfrlyq ǵylymdar mektebiniń stýdentteri – Nurjaına Dýbek, Kamıla Bısenbaeva, Mádı Turǵynov, sondaı-aq Jaratylystaný, áleýmettik jáne gýmanıtarlyq ǵylymdar mektebiniń stýdentteri – Erke Erjanqyzy men Gúljan Nurtaı qatysty. Olar Derekter jáne aqparat ınstıtýtynyń (iDI), Qorshaǵan orta jáne ekologııa ınstıtýtynyń (iEE), Innovasııa, bilim, ǵylym, tehnologııa jáne óner ashyq fakýltetiniń (Open FIESTA) baǵdarlamasyn oqydy.
Erke Erkejanqyzy Sınhýa SIGS GSS 2024 jazǵy mekebindegi «Open FIESTA» baǵdarlamasynda alynǵan tájirıbe elimizdegi ınnovasııalar men shyǵarmashylyqty yntalandyratyn quraldarmen jabdyqtalǵanyn aıtsa, Nurjaına Dýbek IEE baǵdarlamasy aıasynda akademııalyq jáne tájirıbelik bilim alyp, túrli mamandarmen tanysqanyn jetkizdi.
«Ásirese ýrbanızasııa men turaqty damýdy baılanystyrý jaıynda keńirek bildim. Shyndyǵyn aıtqanda, Shyńjańnyń joǵary tehnologııalyq atmosferasy, kýrstastarmen jáne Sınhýa SIGS-tiń úzdik professorlarymen bolǵan áńgimeler bizdi qanattandyrdy», deıdi ol.
On kún ishinde bizdiń stýdentter dáris, sheberlik sabaǵy men túrli mádenı is-sharaǵa qatysyp, sarapshylar men ǵalymdardyń jetekshiligimen aıtýly kompanııalarǵa ekskýrsııa jasady. Aıta keteıik, qatysýshylardyń basym bóligi Azııa elderi ýnıversıtetteriniń alıansyna kiretin joǵary oqý oryndarynan kelgen. Olardyń qataryna NU-men qosa National University of Singapore, University of Tokyo jáne United Arab Emirates University sııaqty bilim ordalary bar.
