Foto: Shymkent ákimdigi
Shymkent qalasy ákimdiginiń baspasóz qyzmetinshe qazir qala ákimi Ǵabıt Syzdyqbekov oqıǵa ornynda júr. О́rtti sóndirý úshin Tótenshe jaǵdaılar departamentiniń 84 qyzmetkeri jáne 22 tehnıka jumyldyrylǵan.
О́rtke oranǵan kúkirt Shymkent munaı óńdeý zaýytynan shyqqan. Tarazdaǵy «Qazfosfat» JShS-niń mıneraldy tyńaıtqyshtar zaýytyna tasymaldanýy tıis bolǵan. О́rtti joıýǵa Ortalyq Medısınalyq komıtet, jergilikti atqarýshy organdar, sanıtarlyq-epıdemıologııalyq qyzmet, sondaı-aq ónerkásiptik qaýipsizdik qyzmetkerleri de atsalysyp jatyr.
«Jaqyn mańdaǵy aýdandardyń turǵyndaryna terezeler men esikterdi jaýyp, múmkindiginshe syrtqa shyqpaýǵa jáne tynys alý kezinde jeke qorǵaý quraldaryn paıdalanýǵa keńes beremiz. Shymkent qalasynyń ákimdigi azamattardyń qaýipsizdigi úshin órtti sóndirý jáne onyń saldaryn joıý kezinde Shańyraq shaǵynaýdany turǵyndaryn ýaqytsha evokýasııalaý týraly sheshim qabyldady. Jaǵdaı Shymkent qalasynyń ákimi Ǵ.Syzdyqbekovtiń baqylaýynda. О́rtti sóndirý jumystary áli de jalǵasady», delingen ákimdiktiń Facebook paraqshasynda.
