Nápsiniń bir aty – tán qalaýy. Ony da qudaı tekten-tek jaratpaǵan. Asylynda jaqsy kıim kıip, tátti tamaq jegimiz kelse, sonyń bári nápsiniń yqpalynan. Ol barlyǵymyzdyń ishimizde bar. Baıaǵyda Súleımen patsha qudaıdan ısi adamzattyń nápsisin múlde joq qylyp jiberýin surapty. Keıin kóshege shyǵyp qarasa, qyzyp jatqan saýda, balalardyń oıyny, toı-dýmannyń biri de joq. Barlyǵy estandy hálde Jaratqanǵa jalbarynyp otyr. Sonda Súleımen nápsi bolmasa dúnıe negizgi sıpatynan ajyrap qalatynyn túsingen eken.
Alaıda nápsini qajet eken dep, jón-josyqsyz qalaǵanyńnyń barlyǵyn jasaı berýge bolmaıdy. Ol adamdy azǵyndyqqa aparady. Máshhúr Júsiptiń kóptomdyǵynda jaqsy mysal bar. Adamnyń ómiri beıne aq paraq. Al nápsi – sııa sekildi. Aq paraqqa sııa molynan tógilip ketse, qaǵaz óte shatpaq, las bolady. Sondyqtan ony aqyl qalamymen ádemilep qaǵazǵa túsirý kerek. Ol qalam jaqsy bolsa qaǵaz betine qansha qusnı sóz, oıý-órnek túsirýge bolar edi.
Adam neǵurlym ózin qarapaıym tómen sanaǵan saıyn, onyń rýhy soǵurlym bıikteı beredi. «Kisini bólshek sanǵa uqsatýǵa bolady. Onyń tómeni – adamnyń ózi týraly oılaǵany, joǵarysy – adam týraly ózgelerdiń oılaǵany. Tómeni kóp bolǵan saıyn, qorytyndy azaıa beredi», deıdi Lev Tolstoı.
«О́zińdi óziń jattaı syıla, jat janynan túńilsin» degen qazaq maqaly da rýhty pák-taza qalpynda saqtaý kerektigin meńzese kerek.
