«Mańǵystaýlyqtar saılaýda belsendilik tanytty»

AQTAÝ. 26 sáýir. Mańǵystaý oblysynda saılaý máresine jetti. Búgin oblystyq Daǵystan halqynyń mádenı ortalyǵynyń tóraǵasy Iýsýp Shahshaevpen kezdesip, saılaýdyń ótýi barysy týraly áńgimeleskenimizde, ol mańǵystaýlyqtardyń saılaýda belsendilik tanytqanyn aıtty. Bul týraly egemen.kz tilshisi habarlady. «Men №№38, 39 saılaý ýchaskelerinde kúni boıy saılaý barysyn baqyladym, óńir jurtshylyǵy daýys berýge óte belsendi qatysty, buryn-sońdy bolmaǵan saılaýshylar sany tirkeldi. Jastar da, egde jastaǵy azamattar da daýys berdi. Halyqtyń saılaýǵa sanaly túrde kelýi qýantady. Saılaýǵa alǵash ret qatysýym emes, alaıda adamdardyń mundaı belsendiligin kórmep edim. Tizimde aty-jóni bolmaǵan azamattardan biz úı kitapshasyn talap ettik, olar erinbeı úıge baryp, qujatty ákelgennen keıin daýys berdi. Bul da halyqtyń birtutastyǵyn kórsetedi», - deıdi ol. Onyń aıtýynsha, saılaýdyń bıyl ótýi óte oryndy. Halyq ta álemde qalyptasyp otyrǵan jaǵdaıdy oı eleginen ótkizip, Qazaqstan bolashaǵy úshin daýys berdi. Gúlaıym Shyntemirqyzy. Derek, sýret: egemen.kz