Táýelsiz baıqaýshylar Mańǵystaýdaǵy saılaýdy joǵary baǵalady

AQTAÝ. 26 sáýir. TMD mıssııasynan kelgen táýelsiz baıqaýshylar Mańǵystaýdaǵy saılaýdy joǵary baǵalady. Bul týraly egemen.kz tilshisi habarlady. Baıqaýshylar bul týraly jýrnalıstermen kezdesýinde baıandady. Olar tańerteń saılaý bastalysymen kári-jasy aralas 30-40 adamnyń kelip turǵanyn, bireýlerdiń otbasymen kelgendigin qyzyǵa aıtty. Sondaı-aq, meıirban mańǵystaýlyqtardyń ystyq yqylasyna rıza bolǵan baıqaýshylar saılaý barysynan eshqandaı kemshilik baıqamaǵanyn aıtýmen qatar, «keıbir máselelerdi sizderden úırenýge bolady. Olardy biz Reseıge usynys retinde alyp bara jatyrmyz», dep aǵynan jaryldy. Baıqaýshy Anton Gýdenko kóptegen saılaýlarda saılaýshylar tizimi men daýys sanaýda qate olqylyqtar bolatynyn, al saılaý barysynda Aqtaýda tizimnen qate shyqpaǵandyǵyn alǵa tartty. «Bul meniń Qazaqstanda saılaýda alǵashqy bolýym emes jáne barlyq ýaqytta sizderde saılaý joǵary deńgeıde ótedi. Bıýlleten toltyrǵanda qaı jerge qandaı belgi qoıamyn degen sekildi qarapaıym suraqtardyń ózi bolmaıdy», - deıdi Anton Gýdenko. Mańǵystaý oblysynda kezekten tys prezıdent saılaýyn baıqaýǵa EQYU-nan 12, TMD mıssııasynan 9 baıqaýshy kelgen. Gúlaıym Shyntemirqyzy. Derek: egemen.kz Sýret: lada.kz