Jas oqyrman Narǵyz Ashatqyzy óz sózinde: «Aqynnyń meniń ómirimde alar orny erekshe. Maǵan poezııany súıýge, óleń qudiretin túsinýge úıretken osy Muqaǵalı aqyn», dedi. Shynynda da óskeleń urpaqty poezııany súıýge úıretken aqyn kúndeliginiń bir tusynda: «Meni adamnyń ózi, syrtqy súlderi emes, minez-qulqy, ózgege degen qarym-qatynasy, oıy men psıhologııasy qyzyqtyrady. Olardy túsinýge tyrysamyn. Adamdardy túsine otyryp, olardyń meni túsingenin qalaımyn. Meniń búkil poezııamnyń máni, mine, osynda. Poezııa – men úshin janymnyń shyryly. Basqa eshteńe de emes...», depti. О́zin oqyrmanyna meılinshe qarapaıym tilmen túsindirýge, uǵyndyrýǵa tyrysady. О́z zamanynyń kúngeıi men kóleńkesin jyrlaýda naǵyz ult aqyndary ǵana uly bıikke kóterilgen. Muqaǵalı aqynnyń murasy óskeleń urpaqqa shabyt berip, árdaıym jadynda bolary sózsiz.
Atalǵan is-sharada oqyrman júreginen oryn alǵan aqyndarymyzdyń biri, poezııa padıshasy Farıza Ońǵarsynovanyń óleńderinen de úzindiler oqyldy. «Bilmeısińder meni áli, bilmeısińder..» dep jyrlaǵan Farıza Ońǵarsynova qaı kezde de qoǵamnyń qaıshylyqtaryna, ne bolmasa qııanatshyldyǵyna tózbestigin jyrmen jetkizgen. Kitaphanashy Móldir Samalhanqyzy óz sózinde poezııa álemi eshkimge uqsamaıtyn, ózindik áýezi men ereksheligi bar Farıza aqyn qazaq ádebıetiniń dara tulǵasy ekenin atap kórsetti.
Jas oqyrmandar ózge de súıikti aqyn-jazýshylarynyń shyǵarmalarynan úzindiler oqyp, bolashaqta kitaphanadan kórgisi keletin kitaptar jóninde qysqasha óz oı-pikirlerin bildirdi.
Atalǵan is-shara bolashaqta da jalǵasyn taba bermek.
Aqnur JUMADILOVA,
Úrjar aýdandyq ortalyq kitaphanasynyń qyzmetkeri
Abaı oblysy
Sarqylmas rýhanı qazyna
Kitapty izdep júrip oqıtyn kez artta qalyp, ornyn ǵalamtor bılep-tóstegen zamanda ómir súrip jatyrmyz. Al halyqtyń kitap oqýǵa qyzyǵýshylyǵyn arttyrýǵa jańa ádis-tásilder men zamanaýı kózqaras qajet ekeni belgili. Naǵyz bilim qaınarynyń mártebesin qaıtarý maqsatynda Bórli aýdanynyń ortalyqtandyrylǵan kitaphanalar júıesinde «Jyljymaly kitaphana» ataýymen jańa joba qolǵa alynǵan edi. Atalǵan joba aıasynda kóptegen is-shara uıymdastyryla bastady.
«Jyljymaly kitaphana» jobasynyń maqsaty – oqyrmandarǵa kitaphanadan tys qyzmet kórsetý, olardyń suranystaryn kitapty paıdalaný arqyly qanaǵattandyrý. Osy istiń basy-qasynda júrgender aýdan turǵyndarymen, mekemelerimen tyǵyz qarym-qatynasta jumys isteıdi. Oǵan kónekóz qarııalar da tartylǵan. Kitaphanashylar ár on kún saıyn buryn aparǵan kitaptaryn almastyryp otyrady. Búginde oqyrmandardy kóbine kórkem ádebıetter qyzyqtyratyny da málim boldy.
«Jyljymaly kitaphana» jumysynyń josparynda ádebıetterdi mekemelerge aparý, sol jerlerde is-sharalar uıymdastyrý, merzimdi basylymdarmen tanystyrý, oqyrmandardyń tapsyrystary boıynsha qyzmet kórsetý bar. Abonement kitaphanashylary kitaptyń oqyrmanǵa barynsha jaqyn bolýy úshin jumys istep qana qoımaı, oqyrmandardyń suranysyna qajetti ádebıetterdi jınaqtaıdy. Osyndaı qyzmet túrine aýdanymyzdaǵy «Belsendi uzaq ómir súrý ortalyǵy», «Jumyspen qamtý ortalyǵy», «Bórli aýdandyq aýrýhanasynyń emhanasy», «Nurdaýlet» bıznes ortalyǵy, taǵy da basqa ortalyqtardyń qyzmetkerleri qol jetkizip úlgergen.
Kópshiliktiń kitapqa degen qyzyǵýshylyǵy zor ekeni baıqalady. О́ıtkeni kóptegen kitapty sol jerden óz attaryna jazdyryp, úılerine oqýǵa alady. Iá, shyndyǵynda kúndelikti tirshilikte jumystan qoly tıe bermeıtin, kitap oqýǵa yntasy bolsa da, kitaphanaǵa kelýge múmkindik tappaıtyn kópshilik úshin «Jyljymaly kitaphana» jobasynyń bereri mol.
Janar NIIаROVA,
kitaphana isin damytý bóliminiń ádiskeri
Batys Qazaqstan oblysy
Mektep bitirýdi toıǵa aınaldyrmasaq
Elimizde 11-synyp bitirgen túlekter osyǵan oraı ótkiziletin oıyn-toılarda túrli oqys oqıǵalarǵa tap bolyp jatady. О́kinishke qaraı sondaı basqosýlardyń sońy qaıǵyly aıaqtalatyn tustar da kezdesip qalady. Munyń sebebi nede?
Qazaq qoǵamynda orynsyz toı toılap, bolmashyǵa bola basqosýlar uıymdastyrý ádetke aınalǵan. «Balapan uıada ne kórse, ushqanda sony iledi» degendeı, osyndaıdy kórip ósken túlekter mektep bitirgenderine úlken mańyz berip, ony «óz deńgeıinde» atap ótkendi jón sanaıdy. Jastaıynan sán-saltanatqa malynyp ósken keı balalar ózderin kórsetip qalýǵa tyrysatyny da, mine, osy kez. Ondaılar júrgizý kýáligi bolmasa da basqosýǵa ákesiniń qymbat kóligin minip keledi. Ábden lepirip alǵan shaqta jyldamdyqty shekten tys asyryp, óziniń ǵana emes, ózgeniń de ómirin qaterge tigedi. Tym alysqa barmaı-aq bıylǵy derekterge kóz tiksek, túlekter ózara tóbelesip qana qoımaı, sýyq qarýlar qoldanǵan, tańǵa deıingi serýen kezinde synyptas qyzdaryna dóreki qylyq kórsetken, tipti 18-degi boıjetkenge pyshaq jumsaǵan sııaqty oqıǵalardyń oryn alǵanyn kóremiz.
Osynyń bári, bizdińshe, otbasyndaǵy tárbıeniń bosańdyǵy men mektep tárbıesiniń osaldyǵyna tikeleı qatysty. 11-synyp bitirýdi bala ómirindegi úlken beles sanap, erekshe áspettep jiberýimizdiń saldary. Shyn máninde, mektep bitirý qazirgi zamanda sonshalyqty bir zor mańyzǵa ıe oqıǵa emes, ómirdiń qalypty bir sáti bolsa kerek-ti. Odan biz dýmandatyp toılaıtyndaı eshbir erekshelik kórip turǵan joqpyz. Ásirese tolyqtaı aqyl toqtatyp úlgermegen jas jigit pen qyz úshin bul – arzan oıyn-saýyqqa qurylǵan basqosý ǵana. Al jol júrý erejelerin buza otyryp, jaldap alynǵan qymbat kólikterdiń sherýin ótkizý tobyrlyq sananyń aıqyn kórinisi der edik. Demek, bul máselege ata-ana jáne mektep bolyp basa nazar aýdarý kerek. Eń bastysy, orta mektep bitirýdi adam ómirindegi qarapaıym kúnderdiń biri retinde jas urpaq sanasyna sińiretin kez jetti. О́ıtkeni sana ózgermeı, sapalyq ósý de bolmaıdy.
Saǵyn BOLATBEKOV,
Máken SAIаQOV,
Taraz qalasynyń turǵyndary
Jambyl oblysy
