Meniń memleketim

Túngi saǵat birdiń o jaq, bu jaǵy. Nómir materıaldaryn daıyn­daýmen alashapqyn bolyp jatsaq, telefon shyryldaıdy. Almatydan. Belgili aqynymyz Shómishbaı Sarıev. «О́leń týdy, óleń týdy», deıdi asyǵa sóılep. «Qandaı óleń?». «Qandaı óleń bolýshy edi, jańa ǵana estigen jaqsy jańalyqqa jazylǵan óleń. Dúısenbige gazet shyǵatynyn estidim, osy óleńimdi nómirge salyp jiberińizdershi». «Kóreıik, tez jibere qoıyńyz elektrondy poshtamen», deımiz. «Oıbaı, ondaı óner joq qoı bizde, qyzdaryńyz telefonmen jazyp ala qoısynshy», deıdi. Amal joq, óleń telefonmen jazylyp alyndy. Eldiktiń jeńisine qýanǵan aqyn júrektiń lúpilin jetkizgen  aqjoltaı jyrdy «Egemen Qazaqstan» oqyrmandarynyń nazaryna usynyp otyrmyz. Halqy qalap Qazaqstan Prezıdenti bolyp qaıta saılanǵan Elbasymyz Nursultan Ábishuly NAZARBAEVQA! Aqordadan bastap shekaraǵa deıin, Aspan-jerdi jalǵaǵan eki araǵa deıin, Bult asqan aqıyq taýlaryma deıin, Keń kósilgen dalamnyń aýmaǵyna deıin, Meniń memleketim!   Eteginen taýymnyń shyńdaryna deıin, Jel úıirgen quıyndy qumdaryna deıin Meniń memleketim! Qum basqan ejelgi qorǵanyna deıin, Qalyń toǵaı syńsyǵan ormanyna deıin Meniń memleketim! Bir ýys topyraǵy, ár tasyna deıin, Kúńirengen únsiz jartasyna deıin Meniń memleketim!   Nar atan túıeniń noqtasyna deıin, Árbir qazaq otbasyna deıin, Meniń memleketim! Jel uıytqyp jeter sózim – Jer men Kún arasyna deıin, Kóz ashyp-jumǵan árbir qazaq balasyna deıin, Meniń memleketim!   Táńir ózi betin burǵanynsha, Jer shary qansha turǵanynsha, Jasa, meniń memleketim!.. Jasa, meniń Prezıdentim! JASA, MENIŃ ELBASYM! Shómishbaı SARIEV, aqyn, Qazaqstannyń eńbek sińirgen qaıratkeri. ALMATY.