Foto:eurasian-research.org
Densaýlyq saqtaý mınıstrliginiń málimetinshe, koronavırýs ınfeksııasyna monıtorıng júrgizý 2022 jyldan beri JRVI jáne tumaý boıynsha qoldanystaǵy epıdqadaǵalaý júıesine engizilgen.
«Monıtorıng qazirgi tańda elde respıratorly vırýstar, sonyń ishinde KVI aınalymy da baıqalatynyn kórsetti. Osy jyldyń basynan beri KVI boıynsha 1 290 jaǵdaı tirkeldi. Qaıtys bolǵandar joq», delingen baspasóz habarlamasynda.
Bul rette JRVI, vırýsty pnevmonııa jáne KVI juqtyryp aýrýhanaǵa túskender joq. Bul KVI boıynsha dert aǵyny jeńil túrde ótip jatqanynyń belgisi.
«Sonymen sekvenırleýdiń sońǵy derekterine sáıkes, Qazaqstanda álemdegideı 100 paıyz jaǵdaıda Omıkron shtammynyń túrli nusqalary aınalysta júr», delingen habarlamada.
Aıta keteıik, bas sanıtarlyq dárigerdiń mindetin atqarýshy tumaý, JRVI jáne koronavırýs ınfeksııasynyń aldyn alý sharalary týraly qaýlyǵa qol qoıǵan. Onda medısınalyq uıymdar betperdeler men antıseptıkterdi qoldanýy kerektigi jáne belgileri bar naýqastardy qabyldaý úshin kire beriste súzgiler bolýy kerektigi aıtylǵan.
Eske sala keteıik, 2024 jyldyń alty aıynda Qazaqstanda pnevmonııanyń 49 704 jaǵdaıy tirkelgen, bul ótken jyldyń sáıkes kezeńimen salystyrǵanda 19,2 paıyzǵa kóp.
