«Halyqtyń erekshe qulshynysy baıqaldy»

Sergeı PChELIаKOV, TMD baıqaýshylar mıssııasynyń múshesi: Elimiz úshin saıası mańyzy zor naýqannyń ótý barysyn baqylaǵan sheteldik táýelsiz baqylaýshylar saılaý barysynda eshqandaı zań buzýshylyqtardyń oryn almaǵandy­ǵyn málimdedi. Sergeı Pchelıakov – Reseıdiń Altaı ólkesinen Shyǵys óńirindegi saılaý barysyn baqylaýǵa kelgen delegasııa quramyndaǵy 27 adamnyń biri. Ol áriptesterimen birge О́skemen qalasyndaǵy birqatar saılaý ýchaskelerinde túske deıin qyzmet atqarsa, kúnniń ekinshi bóliginde oblystyń Glýbokoe aýdanyna arnaıy shyqty. Rýbsov qalasy basshysynyń orynbasary bolyp qyzmet etetin baıqaýshy qazaqstandyq saılaýda birqatar erekshelikterdi baıqaǵanyn jetkizdi. – Men mundaı jaýapty naýqanǵa baıqaýshy retinde birinshi ret qatysyp otyrmyn. Al, áriptesterimniń arasynda úshinshi, tórtinshi márte qatysqandar bar. Biz О́skemen qalasyna 24 sáýirde keldik. Kelgennen beri birneshe toptarǵa bólinip, jumys isteýdemiz. Bir tobymyz 25 sáýirde Zyrıan aýdanyna attanyp ketti, búgin de sol jaqta jumys isteıtin bolady. Saılaý ýchaskeleri ashyla salysymen О́skemen qalasyndaǵy bes saılaý ýchaskesinde boldyq. Qazir №82 jáne 83 saılaý ýchaskelerinde jumys isteýdemiz. Baıqaǵanymyz, jergilikti turǵyndar óte saýatty eken. Saılaý týraly jaqsy habardar etilgen, tıisti sharalar joǵary deńgeıde oıdaǵydaı uıymdastyrylǵanyn atap ótkim keledi. Ýchaskeler ashylmaı turyp kelgen saılaýshylardy baıqadyq. Túski saǵat on bir jarymǵa deıin ár ýchaskelerge saılaýshylardyń 50 paıyzdan astamy kelip, daýys berip úlgerdi. Baıqaýshylar tarapynan eshqandaı zań buzýshylyqtar tirkelgen joq. Saılaý barysynda jastardyń belsendiligi baıqaldy. Máselen, D.Serikbaev atyndaǵy ShQMTÝ-dyń bas oqý ǵımaratynda ornalasqan №74 saılaý ýchaskesinde kúnniń alǵashqy jartysynda stýdent jastardyń basym bóligi óz tańdaýlaryn jasap úlgerdi. Jazyp alǵan Dýman ANASh, «Egemen Qazaqstan». Shyǵys Qazaqstan oblysy.