«Saılaýshylar daýys berýge yqylaspen keldi»

Vladımır ZOLOTOKOLOV, TMD baıqaýshylar mıssııasynyń ókili: – Vladımır Iаkov­le­vıch, saılaý barysyn baqy­ladyńyz, ne baıqadyńyz? – Shynymdy aıtatyn bolsam, Qazaqstandaǵy Pre­zıdent saılaýynan kóp nár­seni baıqadym deı alamyn. Birinshiden, saılaýǵa daıyn­dyqtyń joǵary deń­geıde júrgizilgenin birneshe saılaý ýchaskesine barǵanda anyq ańǵardyq. Ekinshiden, saılaý úderisi zań talaptaryna saı ótýde. Eshbir zań buzýshylyqty kórgenimiz joq. Úshinshiden, saılaýshylardyń daýys berýge kelý belsendiliginiń joǵarylyǵy tańdan­dyrdy. Saılaýshylar lek-legimen saılaý ýchaske­lerine kelip, óz tańdaýyn jasaý úshin uzyn-sonar kezekke tur­ǵanynyń ózinen olardyń azamattyq bel­sendili­giniń artqanyn baıqaýǵa bolady. Bul neni bil­diredi? Shyn máninde adamdar saılaýǵa áleýmettik jaǵdaıy jaq­sa­ryp, eldegi ekonomıkalyq órleý qarqyny údegen kezde qýana barady. – Saılaýdy ótkizýde úlgi alatyndaı qandaı jańashyldyq bar? – Ádette, saılaýdy kezekti shara deıtin pikir bar. Biraq, durysynda bul saıası shara da udaıy ja­ńar­týdy, jańashyldyqqa umty­lýdy qajet etedi. Mine, osy turǵydan aıtqanda, saılaý­dy ótkizýge daıyndyq kezin­de kóńil aýdarýǵa turalyq bir jaıtty ańǵardym. Bul –saı­laýshylar tiziminen ózin taba al­maǵandar úshin meken-jaı anyq­tamasyn alýdyń jańa formaty. Ár ýchaskeden birne­she saılaýshynyń meken-jaıy anyqtamasy úshin habarlasýy saılaý komıs­sııalarynyń birqatar jumys­tardy atqarǵanynyń dáleli bola alady. – Saılaý úderisin baqylaýdan qandaı áser aldyńyz? – Men saılaý sharasyna qatysty kóp jyldyq tájirıbeme súıene aıtar bolsam, burynnan saılaý kúnin adamdar mereke retinde qabyldaıdy. Keıde óte qat taýarlar jármeńkesi uıymdastyrylatynyna úırenip qalǵan. Degenmen, qazir adamdar úshin tabylýy qıyn taýarlar joqqa tán. Izdegenińizdiń bári dúkenderde samsap tur. Biraq mundaı sharaǵa merekelik reńk bergenniń artyqtyǵy joq. Adamdardyń merekelik kóńil-kúımen júrgenine eshteńe jetpeıdi. Osy turǵydan aıtqanda, qaı saılaý ýchaskesine barsaq ta adamdardyń qabaǵynyń jadyrańqy, kóterińki kóńilmen júrgenine kýá boldyq. Buǵan, árıne, kórkemónerpazdardyń, ásirese, balalardyń shynaıy óneri saılaýshylardyń ystyq yqylasyna bólenip, olardy shattandyrdy desek artyq bola qoımaıdy. – Saılaýshylardyń daýys berý belsen­diligi jaıly ne aıtasyz? – Meniń bir baıqaǵanym, saılaýshylar daýys berýge óz yqylasymen kelgeni. Qazir eshkimdi májbúrleı almaısyz ǵoı. Muny ásirese, saılaýda daýys berýge qatysty aıtýǵa ábden bolady. О́z eliniń jarqyn keleshegine qapysyz senip, udaıy qarqynmen órkendeýin qalaıtyndar saılaýda daýys berýge keledi. Qazaqstannyń patrıot azamattary eliniń bolashaǵy úshin daýys berýde asqan belsendilik tanytty dep oılaımyn. Demek, Qazaqstan budan bylaıǵy jyldarda da qarqyndy damý yrǵaǵynan jańylmaı, bıik belesterge kóteriledi deýge tolyq negiz bar. Áńgimelesken Joldasbek ShО́PEǴUL, «Egemen Qazaqstan». Atyraý oblysy.