Turaqtylyq pen damý úshin

Biz búgin osy saılaý­da elimizdiń bolashaǵy, turaqtylyǵy jáne mem­leketimizdiń ári qa­raı damýy úshin daýys berýge keldik. Biz, qazaq­standyqtar, eldegi  turaq­tylyq pen əl-aýqatty qamtamasyz etip otyrǵan saıası baǵyttyń əri qaraı jalǵasýyn qalaımyz. Búgin bizdiń ər­qaısysymyz eldiń odan ári nyq damýyna óz úlesimizdi qosatyn bolamyz. Qazir álem ekonomıkasynyń kúrdeli jaǵdaıdy bastan keship otyrǵanyn esepke alatyn bolsaq, osy qazirgi kúnniń mańyzdy ekenin túısine túsemiz. Sondyqtan biz jetistik pen ornyqty damýdy qamtamasyz etken strategııamyzǵa, bola­shaǵymyzǵa senemiz. Al bizdiń Ulttyq bank – qarjy retteýshisi retinde eldegi qarjy sektorynyń ornyqty damýyna qatysty asa iri jumysty oıdaǵydaı jú­zege asyryp keledi. In­flıasııa deńgeıin 6-5% shamasynda saqtaý úshin arnaıy is-sharalardy júrgizip jatyrmyz. Qazir Ulttyq banktiń altyn-valıýta qory artyp keledi. Mine, bizdiń elde júrgizilip otyrǵan jáne osy saılaýdan keıin júrgiziletin saıa­sat osy sharalardyń barlyǵynyń júzege asýyna kepildik beredi. Qaırat KELIMBETOV, Ulttyq bank Tóraǵasy.