Serik Ahmetovtiń úı qamaqtaǵy merzimi taǵy da uzartyldy

ASTANA. 12 maýsym. Qazaqstannyń burynǵy premer-mınıstri Serik Ahmetovtiń úı qamaqtaǵy merzimi 2015 jyldyń 18 shildesi kúngi saǵat 23:00-ge deıin uzardy. Bul týraly Qaraǵandy oblystyq sotynyń baspasóz qyzmeti habarlady. Habarlamada búgin Qaraǵandy qalasynyń Qazybek bı aýdandyq sotynda Serik Nyǵmetulyna qatysty qylmystyq is materıaldarymen tanysý barysynda úı qamaqta ustaý merzimin uzartý týraly ótinish hat qaralǵany aıtylǵan. Atalǵan sottyń 2015 jylǵy 12 maýsymdaǵy qaýlysymen ótinish hat qanaǵattandyryldy. Aıta keteıik, burynǵy sheneýnikke iri kólemde memleket qarajatyn jymqyrdy jáne para aldy, qyzmetin asyra paıdalandy, sondaı-aq, zańsyz kásipkerlikpen aınalysty degen kúdik negizinde Qylmystyq kodekstiń 4-baby boıynsha 6 qylmystyq aıyp taǵylýda. Soǵan sáıkes, 2014 jyldyń 19 qarashasynan 2015 jyldyń 18 aqpanyna deıin úı qamaqqa alyndy. Keıin úı qamaq merzimi 2015 jyldyń 18 sáýirine, 18 mamyryna jáne 18 maýsymyna deıin úsh ret uzartyldy. Elaman Qońyr. Derek: Qaraǵandy qalasy Qazybek bı aýdandyq sotynyń baspasóz qyzmeti. Sýret: egemen.kz.