Adam jadyn arttyratyn shokolad oılap tapty

AQSh-tyń Soltústik Arızona ýnıversıtetiniń ǵalymdary adam­nyń este saqtaý qabiletin arttyryp, zeıinin jaqsartatyn shokolad oılap taýypty. Qazir tájirıbeden ótkizilip jatqan shokolad qan qysymyn tó­mendete alatyn kórinedi. Muny olar eksperımentke óz erikterimen kelgen 18 ben 25 jas aralyǵyndaǵy 122 kisini tekserý barysynda anyqtaǵan. Qatysýshylar eki topqa bólinip, birinshilerine dene salmaǵynyń árbir kıloǵa zeıin arttyrǵysh shokoladtan 1 gramnan eseptelip berilgen. Mysaly, eger adam salmaǵy 75 kılo tar­tatyn bolsa, oǵan tıisinshe 75 gramm shokolad usynyldy. Al ekin­shi top músheleri dúkenderdegi kádýilgi kóp shokoladtardyń birin jep kóredi. Sońynan synaqqa qatysýshylar jady men zeıinderin baıqap kórýge múmkindik beretin test tapsyrǵan. Sol sátte olardyń mı jumysynyń qandaı dárejede ekenderin ǵalym­dar elektrli ensefalograf kóme­gimen tekserip otyrǵan. Nátıjesinde emdik qasıeti bar jańa shokoladty jegender ekinshi toppen salystyrǵanda, anaǵurlym zerek bolyp shyǵyp, test suraqtaryn óte jaqsy tapsyrǵandary belgili bolǵan. Sońynan teksere kelgende, zertteýshilerdiń óz ónimderine ádette kók shaıda bolatyn L-teanın amın qyshqylyn qosqandary da anyqtaldy. Murat AITQOJA.