Odaqtastyq Qazaqstan men О́zbekstannyń ekonomıka, saýda, ónerkásip, bilim, mádenıet, sport jáne basqa da salalardaǵy seriktestigin odan ári nyǵaıtady. Byltyr eki el arasyndaǵy taýar aınalymy 4,5 mlrd dollardy qurady. Jaqyn aralyqta taraptar bul kórsetkishti 10 mlrd dollarǵa deıin arttyrýdy kózdep otyr. Sonymen qatar qazirgi tańda quny 178 mln dollar bolatyn 3 ınvestısııalyq joba júzege asyrylyp jatyr.
Baýyrlas halyqtardyń jaqyndasýyna, týrızmniń damýyna ózara Qazaqstan men О́zbekstan aýmaǵynda ýaqytsha tirkeýsiz bolý merziminiń kúntizbelik 5 kúnnen 30 kúnge deıin uzartylǵandyǵy óz septigin tıgizedi.
Qazaqstan men О́zbekstan ekonomıkalarynyń turaqtylyǵy kólik-logıstıka salasynyń damýymen tikeleı baılanysty. Búginde Qazaqstan úshin Transkaspıı halyqaralyq kólik baǵytynyń áleýetiniń ósýi, ıaǵnı júk tasymalynyń kóleminiń artýy asa mańyzdy. Osy oraıda 2 tamyz kúni Prezıdent janyndaǵy Qazaqstannyń strategııalyq zertteýler ınstıtýtynda Qazaqstan-О́zbekstan Sarapshylar keńesiniń birinshi otyrysy ótken bolatyn. Is-shara barysynda eki eldiń kólik salasyndaǵy múddeleri salystyrylyp, talqyǵa tústi. Ashyq dıalog barysynda jańa usynystar qarastyrylyp, ortaq kelisimderdi qalyptastyrýǵa septigin tıgizdi. Bul О́zbekstan Prezıdentiniń Qazaqstanǵa memlekettik sapary men 9 tamyzda ótken Ortalyq Azııa memleketteri basshylarynyń altynshy Konsýltatıvtik kezdesýine naqty aldyn ala usynystar ázirleýge múmkindik berdi.
Búginde Ortalyq Azııa álemniń «eń jas» aımaqtarynyń biri bolyp eseptelinedi. Halyqtyń ortasha jasy nebári 28,7 jas. Salystyrmaly túrde alsaq, Eýropada bul kórsetkish 44,4 jasty quraıdy. Osyndaı orasan zor demografııalyq áleýetti eskersek, Ortalyq Azııa damýynyń eń mańyzdy faktory – adam kapıtaly.
Qazaqstan men О́zbekstan arasyndaǵy yntymaqtastyqty odan ári tereńdetýge, sondaı-aq Ortalyq Azııanyń óńirlik ıntegrasııalanýyna baǵyttalǵan jobalardyń mańyzy zor. Osy rette, aımaq jastaryna aqparattyq tehnologııalar, sý, qorshaǵan orta, mádenıet, óner baǵyttarynda birlesken jobalardy júzege asyrýǵa múmkindik berý qajet. Sondaı-aq iri jobalarmen qatar, qarapaıym kásipkerlerdiń onlaın saýda alańdarynda óz taýarlaryn kórshi elderge satýǵa múmkindik alýy da aımaqtyń zaman talabyna saı damýyna serpin bermek.
Baýyrjan ÁÝKEN,
Strategııalyq zertteýler ınstıtýtynyń sarapshysy
