Atalǵan is-sharaǵa álemniń 170-ke jýyq kásiporny qatysty. Olardyń qatarynda «Tesla», «Siasun» sııaqty iri jahandyq kompanııalar da bar. Olar 600-den asa ınnovasııalyq ónimin tanystyrdy. Bul tehnologııalar aldaǵy ýaqytta ónerkásip, medısına, qurylys pen kólik salalarynda qoldanylady. 2024 jyldyń shilde aıyndaǵy statıstıkaǵa súıensek, Qytaıda robotqa qatysty 190 000-nan astam tıimdi patent jasalǵan. Bul – álemdegi jalpy patentterdiń shamamen úshten ekisin quraıdy.
Marstaǵy muhıt
Marstyń betki qabatynan 20 shaqyrym tereńdikte suıyq sýdyń úlken qoımasy tabyldy. Muny NASA-nyń «InSight» ǵarysh apparaty jınaǵan seısmıkalyq málimetter dáleldedi.
Buǵan deıin munda sý tek muz nemese bý túrinde ǵana bolady dep eseptelgen edi. Jańa zertteýler úsh mıllıard jyl buryn Mars betinde úlken kólder, muhıttar men ózender bolǵanyn rastady. Alaıda magnıt órisi birtindep joǵalǵan kezde, planeta betinde sý tartyla túsken. «Bul tereńdik, ıaǵnı 11-20 shaqyrym – sýdyń suıyq kúıinde bolýy úshin jetkilikti. Biraq oǵan jetý ońaı emes», deıdi zertteýdiń jetekshi avtory, Kalıfornııa ýnıversıtetiniń ǵalymy Vashan Raıt.
Elbrýs shyńynda kúı tartqan
Astanalyq Álibek Qaıyrbek Eýropanyń eń bıik núktesinde «Adaı» kúıin oryndady.
26 jastaǵy jigit Elbrýs shyńyna bir apta kóleminde jetken. «Dombyrany mundaı bıiktikke kóterý ońaı emes. О́ıtkeni ol jeńil bolǵandyqtan, synyp qalýy ábden múmkin. Aıazdan jarylyp ketýi de yqtımal. Sol sebepti ulttyq aspabymyzdy kózdiń qarashyǵyndaı saqtap, 5 642 metr bıiktikke alyp shyqtym. Osylaısha, dombyrany álemge kórsetip, onyń nasıhatyna men de úles qosqym keldi», deıdi elordalyq Álibek Qaıyrbek.
