Reseıdiń Astrahan óńirinde turatyn qazaq qyzy Adelına Aısanǵalıeva osy maqsatyna jetýdi kózdeıdi
Astrahan – Reseıdegi qazaq eń kóp qonystanǵan óńir. Uzaq jyl bank salasynda, sonymen birge, astrahandyq qazaqtardyń ulttyq salt-dástúri, ana tili sekildi ulttyq qundylyqtarynan ajyramaýyna bar jan-tánimen qyzmet etip júrgen ultjandy azamat, «Joldastyq» qazaq tili men mádenıeti qoǵamynyń qurmetti tóraǵasy bolǵan Nıkıta Ysqaqovtyń pikirinshe, munda 160 myńǵa jýyq qandasymyz mekendeıdi. «Biz óz atamekenimizde turyp jatyrmyz», deıtin qandastarymyz ásirese, Krasnyı ıar, Volodar, Qarabaıly aýdandarynda kóp qonystanǵan. Aǵa býyn ókilderi qazaq tilinde erkin sóıleıdi. Al jastar jaǵy shorqaqtaý. Degenmen, jas býynnyń arasynda ulttyq qundylyqtardy sanaǵa toqýǵa umtylys baıqalady.
Mundaǵy qazaq jastarynyń kóbi Astrahandaǵy joǵary jáne arnaýly orta oqý oryndarynda bilim alyp júr. Sondaı jastardyń bir toby, máselen, Aslan О́teǵalıev pen Madıat Quspanov Astrahandaǵy mýzyka ýchılıshesinde bilim alyp júrgen bolashaq mýzykanttar. Ekeýi de Astrahanǵa aýdannan kelipti. Al Adelına Aısanǵalıevanyń ata-anasy Astrahan qalasynyń baıyrǵy turǵyndary sanalady. Qazir qaryndasymyz Astrahan memlekettik ýnıversıtetiniń 3-kýrsynda oqıdy. «Bolashaq mamandyǵym – psıholog-áleýmettik pedagog», degen Adelına qazaq tilin jetik bilmeıtinin jasyrmady. О́ıtkeni, ol orys mektebinde orta bilim alypty.
– Qazaq halqynyń bir perzenti bolǵandyqtan, ana tilimdi úırengim keledi. Qazaqstanda turatyn zamandas-qurbylarymmen áleýmettik jelilerde jıi baılanysyp turamyn. Internette qazaqstandyq dostarym kóp. Olar maǵan qazaqsha úıretý úshin áleýmettik jeliler arqyly ana tilimde habarlama joldaıdy. Men, árıne, qazaqsha túsinemin, oqı alamyn. Biraq ázirge jaza almaımyn. Sol sebepten, qazaqstandyq dostarymnyń áleýmettik jeliler arqyly joldaǵan habarlamalaryna oryssha jaýap qaıtaryp júrmin, – deıdi qaryndasymyz Adelına Aısanǵalıeva.
Astrahan qazaqtary Qazaqstannan qandastary kelse, balasha qýanady. Qazaqstannan kelgen qonaqtardyń janynan qalmaıdy. Sóılesýge, respýblıka ekonomıkasy, damýy, Astananyń órkendeýi týraly bilgisi kelip turady. Astrahandaǵy qazaq stýdentteri Adelına, Aslan men Madıat ta – solardyń qatarynda Qazaqstanǵa erekshe qyzyǵýshylyq tanytatynyn baıqadyq. Ásirese, Adelına Batys Qazaqstan oblysyndaǵy «Aqjaıyq» bı ansambliniń bıshi qyzdarymen jaqyn tanysyp, dostasqanyna kýá boldyq.
– Bolashaqta Qazaqstannyń barlyq qalasyn aralaǵym keledi. Ásirese, Astana men Almaty erekshe qyzyqtyrady, – deıdi Adelına bizben áńgimelesken sátinde. – Atajurttyń kórikti jerlerinde bolsam deımin. Ázirge Qazaqstan jaıly derekterdi ınternet resýrstarynan bilip otyramyz. Teledıdardan el jetistikteri jaıly derekti, aqparattyq habarlar berilse, úzbeı kórýge tyrysamyn. Álem elderi Qazaqstannyń keleshegine qyzyǵýshylyq tanytyp otyrǵanda, biz nege qyzyqpaýymyz kerek? Ázirge stýdentpin ǵoı. Joǵary oqý ornyn bitirgesin Qazaqstanǵa barǵym keledi. Sol eldiń ekonomıkasyn órkendetýge úlesimdi qosýdy armandap júrmin. Bálkim, Astanada, ne Almatyda bola ma, álde Atyraý men Aqtaý qalasynyń birinde jumys jasaýdy maqsat etip otyrmyn.
Iá, Reseıdiń Astrahan óńirinde júregi Qazaq eli dep soqqan osyndaı inilerimiz-qaryndastarymyz bar. Olardyń el men jerge degen saǵynyshy, arman-maqsaty kóz janarynan baıqalyp turady. Ásirese, Adelına Aısanǵalıevanyń ana tilin meńgersem, Qazaq eliniń órkendeýine úlesimdi qossam degeni qur arman emes ekenine rııasyz sendim. О́ıtkeni, batyl da alǵyr qaryndasymyz «Eń basty armanym – Qazaqstan ekonomıkasyn órkendetýge úles qosý. Kózdegen maqsatyma mindetti túrde qol jetkizemin», degendi senimdi aıtty.
Joldasbek ShО́PEǴUL,
«Egemen Qazaqstan».
ATYRAÝ–ASTRAHAN–ATYRAÝ.
Sýrette: Astrahandaǵy qazaq stýdentteri – Madıat Quspanov, Adelına Aısanǵalıeva jáne Aslan О́teǵalıev.
Astrahan – Reseıdegi qazaq eń kóp qonystanǵan óńir. Uzaq jyl bank salasynda, sonymen birge, astrahandyq qazaqtardyń ulttyq salt-dástúri, ana tili sekildi ulttyq qundylyqtarynan ajyramaýyna bar jan-tánimen qyzmet etip júrgen ultjandy azamat, «Joldastyq» qazaq tili men mádenıeti qoǵamynyń qurmetti tóraǵasy bolǵan Nıkıta Ysqaqovtyń pikirinshe, munda 160 myńǵa jýyq qandasymyz mekendeıdi. «Biz óz atamekenimizde turyp jatyrmyz», deıtin qandastarymyz ásirese, Krasnyı ıar, Volodar, Qarabaıly aýdandarynda kóp qonystanǵan. Aǵa býyn ókilderi qazaq tilinde erkin sóıleıdi. Al jastar jaǵy shorqaqtaý. Degenmen, jas býynnyń arasynda ulttyq qundylyqtardy sanaǵa toqýǵa umtylys baıqalady.
Mundaǵy qazaq jastarynyń kóbi Astrahandaǵy joǵary jáne arnaýly orta oqý oryndarynda bilim alyp júr. Sondaı jastardyń bir toby, máselen, Aslan О́teǵalıev pen Madıat Quspanov Astrahandaǵy mýzyka ýchılıshesinde bilim alyp júrgen bolashaq mýzykanttar. Ekeýi de Astrahanǵa aýdannan kelipti. Al Adelına Aısanǵalıevanyń ata-anasy Astrahan qalasynyń baıyrǵy turǵyndary sanalady. Qazir qaryndasymyz Astrahan memlekettik ýnıversıtetiniń 3-kýrsynda oqıdy. «Bolashaq mamandyǵym – psıholog-áleýmettik pedagog», degen Adelına qazaq tilin jetik bilmeıtinin jasyrmady. О́ıtkeni, ol orys mektebinde orta bilim alypty.
– Qazaq halqynyń bir perzenti bolǵandyqtan, ana tilimdi úırengim keledi. Qazaqstanda turatyn zamandas-qurbylarymmen áleýmettik jelilerde jıi baılanysyp turamyn. Internette qazaqstandyq dostarym kóp. Olar maǵan qazaqsha úıretý úshin áleýmettik jeliler arqyly ana tilimde habarlama joldaıdy. Men, árıne, qazaqsha túsinemin, oqı alamyn. Biraq ázirge jaza almaımyn. Sol sebepten, qazaqstandyq dostarymnyń áleýmettik jeliler arqyly joldaǵan habarlamalaryna oryssha jaýap qaıtaryp júrmin, – deıdi qaryndasymyz Adelına Aısanǵalıeva.
Astrahan qazaqtary Qazaqstannan qandastary kelse, balasha qýanady. Qazaqstannan kelgen qonaqtardyń janynan qalmaıdy. Sóılesýge, respýblıka ekonomıkasy, damýy, Astananyń órkendeýi týraly bilgisi kelip turady. Astrahandaǵy qazaq stýdentteri Adelına, Aslan men Madıat ta – solardyń qatarynda Qazaqstanǵa erekshe qyzyǵýshylyq tanytatynyn baıqadyq. Ásirese, Adelına Batys Qazaqstan oblysyndaǵy «Aqjaıyq» bı ansambliniń bıshi qyzdarymen jaqyn tanysyp, dostasqanyna kýá boldyq.
– Bolashaqta Qazaqstannyń barlyq qalasyn aralaǵym keledi. Ásirese, Astana men Almaty erekshe qyzyqtyrady, – deıdi Adelına bizben áńgimelesken sátinde. – Atajurttyń kórikti jerlerinde bolsam deımin. Ázirge Qazaqstan jaıly derekterdi ınternet resýrstarynan bilip otyramyz. Teledıdardan el jetistikteri jaıly derekti, aqparattyq habarlar berilse, úzbeı kórýge tyrysamyn. Álem elderi Qazaqstannyń keleshegine qyzyǵýshylyq tanytyp otyrǵanda, biz nege qyzyqpaýymyz kerek? Ázirge stýdentpin ǵoı. Joǵary oqý ornyn bitirgesin Qazaqstanǵa barǵym keledi. Sol eldiń ekonomıkasyn órkendetýge úlesimdi qosýdy armandap júrmin. Bálkim, Astanada, ne Almatyda bola ma, álde Atyraý men Aqtaý qalasynyń birinde jumys jasaýdy maqsat etip otyrmyn.
Iá, Reseıdiń Astrahan óńirinde júregi Qazaq eli dep soqqan osyndaı inilerimiz-qaryndastarymyz bar. Olardyń el men jerge degen saǵynyshy, arman-maqsaty kóz janarynan baıqalyp turady. Ásirese, Adelına Aısanǵalıevanyń ana tilin meńgersem, Qazaq eliniń órkendeýine úlesimdi qossam degeni qur arman emes ekenine rııasyz sendim. О́ıtkeni, batyl da alǵyr qaryndasymyz «Eń basty armanym – Qazaqstan ekonomıkasyn órkendetýge úles qosý. Kózdegen maqsatyma mindetti túrde qol jetkizemin», degendi senimdi aıtty.
Joldasbek ShО́PEǴUL,
«Egemen Qazaqstan».
ATYRAÝ–ASTRAHAN–ATYRAÝ.
Sýrette: Astrahandaǵy qazaq stýdentteri – Madıat Quspanov, Adelına Aısanǵalıeva jáne Aslan О́teǵalıev.
