Sýretterdi túsirgen – Erlan OMAR, «EQ»
Etnoaýylda boı kótergen balalar alańy da kóshpeliler alamanynyń kishkentaı kórermenderine orasan kóńil-kúı syılady. Munda ulttyq oıyndy ulyqtaıtyn túrli saıystar kóptep uıymdastyryldy. Ásirese jas jetkinshekterge asyqtan ótetin saıystar erekshe áser syılady. Astana qalasynyń turǵyny Rolan Nııazov 2-synypta oqıtyn uly Aısultandy kóshpeliler oıyndaryn tamashalaýǵa arnaıy ertip kelip, ulttyq qundylyǵymyz dáriptelip, salt-dástúrimiz jańǵyrǵan etnoaýyldy aralatqanyn aıtady. «Munda balalar tamashalaıtyn túrli attraksıondary jeterlik eken. Bizge unaǵany asyq oıyny boldy. Bala kúnimizde asyq oınap eseıdik, biraq qazirgi balalar, jasyratyny joq, «qolyńa jaqsa saqa tutatyn» asyqty tústep tanyp, qandaı oıyn túrleri bar ekenin de bile bermeıdi. Eger mektepte arnaıy pán retinde oqylmasa da, qosymsha úıirme esebinde iske qosylsa, balalardyń qyzyǵýshylyǵy artar edi. Bilýimshe, keıbir mektepterde asyq úıirmesi de bar eken. Balanyń oılaý júıesiniń damýyna, fızıologııalyq ósýiniń durys qalyptasýyna asyq oıynynyń tıgizer paıdasy zor», deıdi elordalyq turǵyn.
О́zin kolledj stýdentimin dep tanystyrǵan Janel Qyryqbaevaǵa da «Kóshpeliler áleminde» asyq oıyny erekshe unapty. Mektepte oqyp júrgende bes tas oınap úırengen edim, búginde bul oıyndy taspen emes, asyqpen de oınaıdy. Ushqyrlyqty, eptilikti synaıtyn bes asyqqa zamandastarym da qyzyǵady. О́zim de qolyma asyq ustap, sheberligimdi synap kórdim», dedi J.Qyryqbaeva.
Astana qalasyndaǵy ulttyq ǵylymı praktıkalyq dene tárbıesi ortalyǵynyń mamany Ábdimúsilim Meıirmanov – ulttyq qundylyqtarymyzdy talmaı ulyqtap júrgen jan. Etnoaýyldaǵy balalar alańyna da asyq oınaýǵa arnaıy kerek-jaraǵyn arqalap kelipti. «Dúnıejúzilik kóshpeliler oıyndaryna qatysýǵa ǵana emes, tamashalaýǵa da álemniń ár qıyrynan týrıster keldi. Biz ulttyq oıyndarymyzdy solarǵa da nasıhattap, kórsetip dáripteımiz. Asyq shertý – oıynnyń álippesi. Bala saqany shertýdi meńgerse, asyq atýdy da tez ıgeredi. Etnoaýylǵa kelgen jetkinshek qonaqtarymyzdyń ulttyq oıyndarǵa qyzyǵýshylyǵy joǵary. Ulttyq tól oıyndarymyzdy damytýǵa bárimiz kúsh salýǵa tıistimiz», dedi maman.
